Izayii 30:21 - LAWA A BOO SONBORE

²¹ N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

LAWA A BOO SONBORE 2011

²¹ N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

Izayii 30:21 ပူးပေါင်းရင်းမြစ်များ

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Suusun 4:27

N nyan wo n gusin hinlaa n gɔsɛ wa. N wɔlɔ lui sii baraa ganaa.

Izayii 29:24

Yiriwɛɛnaan tá re yiri yii, boo bisin dalin tá re n too koe doroo li.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 23:6

Sɛnɛ, ka n gù we yii taãn-taãnɛ, màn mɛn tumaa bɛ́ kiɛ̃-n Muizu a landa sɛ́wɔ kɛ nɛ, ka n doa ka kɔ bɛ lɛ. Ka nyan kanaa ka wo gusin wa, ka nyan kanaa ka wo gɔsɛ wa.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.