Izayii 30:2 - LAWA A BOO SONBORE

² Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

LAWA A BOO SONBORE 2011

² Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 30:2 ပူးပေါင်းရင်းမြစ်များ

Kiin1 22:7

Sɛnɛ Zozafati nɔ̀n da: «Dɛnaa Lawa a boo gii-dali kɔsɔ ba kànaa, wɔ n boe la wɔ n doa a ganaa, wɔ nɔ̀n da Dɛnaa Lawa la wa?»

Kiin2 17:4

Sɛnɛ, Asiirii gána a kii lɛ daa yɛ, mà Ozee lɛ goã á gòãn dii ǹ sii zɛnaa. Sonbore, a na á goã á dia dí-a wolen dia Ezipti gána a kii Sayisi li, a bɛ́ goɛ̃ bɛ̀ a nyin giɔ̀mɔ mɛn dɔ saraa lɛ̀ tunaa nɛ, a goã á bɛ dɔ dia Asiirii gána a kii lɛ la wa. Asiirii gána a kii tɔ́n Ozee kũ á zɔrɔkan kaa a ganaa, á da kòso-n.

Kiin2 18:21

Á ke, ma n nə n foo doa Ezipti gána a dɔmalɛ ganaa, bɛa bàlà yiɛ kɛ lɛ, a doamaa wole tumaa gɔn foɛ̃ kiɛ̃ li. Min mɛnɛn tumaa bɛ́ n foo doɛ Ezipti gána a kii *Faarahɔn lɛ ganaa, a nə n biɛ kɛnɛn lɛn ǹ ganaa.»

Izayii 16:3

Ka yiri kɔ wɔ la, ka golee goon la. Penleen, ka n wúlu kɔ wɔ lɛ, ka tèlò bɛ́ lɔn. Ka n kɔ wɔa baasi wolen lɛ, ka nyan nə ǹ giala da kanaa wa.

Izayii 18:1

Ebe, gána goon tan Etiopii tàn kio nyàa kan wuu n boe a nɛ.

Izayii 36:6

Á ke, ma nə n foo doɛ Ezipti ganaa, bɛa làpaa yɔyɔrɛɛ ke, min gɔn foɛ̃ bɛ̀ n nə́ n gɔn da a ganaa. Die nə n foo doɛ bɛ ganaa. *Faarahɔn, Eziptin kii lɛ n ka làpaa yɔyɔrɛɛ bɛ́ lɔn a foo doama-a wolen tumaa gɔn, foo na a ba n doɛ a ganaa wa.

Izayii 36:9

N ba boe la dinin, n maa dɛnaagiĩ a dí-nyali dadaran kɛn kiɛɛrɛdɛnaa goon din da wusoo a kio-n ganaa wa, ma nə n foo doɛ Eziptin kii ganaa, màn mɛn bɛ́ toɛ n ziabaa ǹ wotoron yɛ ka sùin ni!

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Zeremii 2:18

Sisia kəni, n wo Ezipti là n ka wàa nɛ, N wo Niili tà mi? Ma nə́ n woo Asiirii là n wàa nɛ, Ma nə́ n woo Efrati tà mi?

Zeremii 21:2

«Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Zeremii 37:5

*Faarahɔn a zia kuru goã boe Ezipti gána-n die. *Baabilonii minin mɛnɛn nə goã ǹ nə́ yoo Zeruzalɛmu kiwin gialaa, ǹ bɛ́ ǹ nə́ bɛa boo lɛ ma, ǹ nə́ n wɔlɔ lui kiwi lɛ ganaa.

Zeremii 42:14

Á soɛ wɔ ganaa wɔ wo Ezipti gána nɛ. Walan, wɔ a re zia boo miɛ wa, wɔ a re bɛnɛn zia lɛ-dia wuu miɛ wa, bòo á re wɔ nɔmɛɛ doo wa. Wɔ n li wɔ giã walan lɛ nɛ.»

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Zeremii 43:7

Ǹ nə́ n piã ka Dɛnaa Lawa bɔlɔ sii ni, ǹ nə́ woo Ezipti gána nɛ, ǹ nə́ dɔ yǎa Tapanɛsi.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Ozee 8:10

Ǹ nə́ tɔrɔ kɔsɔn gɔgɔ ka mànan nɛ sɛnɛ, a laanɛ ǹ nə́ bɛ zɛnaa, sisia kəni, man die ǹ soekɔn. Kànaa ka boɛɛn nɛ, kii gole kɛ bɛ́ re guĩ mɛn diɛ ǹ mìi ni, ǹ tá re nɔmɛɛ bɛa guĩ gɔn.

Ozee 8:9

Efrayimu tɔrɔn kɛn man ka don dundunun bɛ́ lɔn, ǹ ba n mɔrɛ min-a wa. Maǹ nə́ woo Asiirii gána nɛ, ǹ nə́ ǹ lɛ pii màn mɛn bɛ́ toɛ ǹ giaárabaa yɛ.

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Timəə dí-pɛn 28:68

A laanɛ má pɛ ka nɛ máa ka yii á re wusii a mɛ Ezipti gána kɛ ganaa doo duduu wa, Dɛnaa Lawa á re wusii a wo ka nɛ walan ka mu la ǹ goo ne. Walan kəni, kaa giĩn laanka kaa lɔn tá re n dinin siɛ̃ kaa zɔ́ɔn lɛn la bɛ̀rɛn lɛa. Sɛnɛ, min na a re yii a ka pii wa.

Zozoe 9:14

Izirayeli minin nə́ ǹ màn-bii lɛ kɔn si ǹ nə́ bii, sɛnɛ, ǹ nɔ̀n da Dɛnaa Lawa la ka a lɛ gɔ́ɔ̃ ǹ boo-n wa.

Sii yɔrɔ-bɔlen 9:15

Daãn nyɛndɛnaa lɛ sɛ́ dan lɛn lɛ si: «Bɛ̀ ka tá li sonbore, ka masɛ bɔ ka masɛ koa kii lɛa ka mìi la, ka kiɛ̃ ka da giã maa wúlu li. Sɛnɛ, bɛ̀ ka zɛnaa miɛ̃ wa, tɛ á re soe daãn nyɛndɛnaa lɛ nɛ, á re Liban da sɔsɔrɔn kɛn kuĩ.»