Izayii 30:19 - LAWA A BOO SONBORE

¹⁹ Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

LAWA A BOO SONBORE 2011

¹⁹ Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

Izayii 30:19 ပူးပေါင်းရင်းမြစ်များ

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Izayii 10:24

Bɛ lɛ nɛ, Dɛnaa Lawa Pàãyiidɛnaa n kɛ pii: «Maa zaman, kasɛn mɛnɛn bɛ́ giã-n Siɔn, ka nyan nyɛ́ɛ baa Asiirii gána-n wa. A n ka duwii ka sɛ̌n nɛ, a na a dɔ̀rɔ̀ siɛ ka li, ka Ezipti minin kɛn nə goã zɛnɛɛ ka-n lɛlɛ lɔn.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 33:2

Dɛnaa Lawa, makara bɔ wɔ ganaa! Wɔ foo n doa nɛ n din ganaa. Baraabaraa baayɛlɛ, goã wɔ pàã lɛa, n wɔ kirisibaa koe pinaa.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 58:9

Bɛ̀ n lɛ dia, Dɛnaa Lawa á re n lɛ sii. Bɛ̀ n dɔmalɛ nyankɔ, á re pii n ni: «Ma á die.» Màn mɛn bɛ́ nɔmaa diɛ n zaman mìi ni, sii zɛnaan mɛnɛn bɛ́ nyɛ́ɛ diɛ, ka boo baraan nɛ, bɛ̀ ń boo la n bɛn sàabaa,

Izayii 60:20

N wasa á re miɛ wa. N mui a re n yii siɛ̃ wa. Taãn nɛ, masɛ Dɛnaa Lawa n die goɛ̃ n tɛ fúlu lɛa dan ná a ba la wa. N gɛ̀ koa biikoo á re nyɛɛ.

Izayii 65:18

Ka n nyɛnyɛɛ, ka foo n kɔɔ̃n biikoo tumaa li, sii kɛ taman yii ma á re zɛnɛɛ. A giala, á ke, man die Zeruzalɛmu biɛ kiwi lɛa, piɛ̃-n ka foo kɔɔ̃n nɛ. A zaman tá re goɛ̃ nyɛnyɛɛ la.

Izayii 65:19

Ma foo á re kɔɔ̃n koe Zeruzalɛmu taman yii, Man die n nyɛnyɛɛ maa zaman a lɛa. Wuu laanka gú diɛ lɛ a re boe doo wa.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Izayii 65:9

Sɛnɛ, ma á re nɛnyaanan koe Zakɔba a zaman la, maa kelen nə Zudaa tɔrɔn kíɛ̃ baa. Ma min mɛnɛn bɔ, gána lɛ á re bɛn wɔ biɛ, ǹ mɛnɛn bɛ́ dí nyɛɛ ma nɛ, bɛn tá re gɛnɛɛ a nɛ.

Zeremii 30:12

Dɛnaa Lawa a da ǹ boo á ke: N busulɛ lɛ á baraa, n bayɛrɛ kɛ a nyɛɛ wa.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 31:16

Sɛnɛ, Dɛnaa Lawa n kɛ pii: N nyan wuu pɛ doo wa, n lɛ tã! N tá re n nɔmaa a saraa yii. N nɛnyaanan tá re boe n zɔ́ɔn gána nɛ ǹ daa. Dɛnaa Lawa a da ǹ boo ne.

Zeremii 31:6

Ǹ kɔn pinaa, wɔlɔ-lɛduə̃lin tá re n lɛ dii Efrayimu kele la ǹ pɛ: Ka yoo wɔ n ta *Siɔn, Dɛnaa Lawa wɔa Lawa li!

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 51:10

Dɛnaa Lawa sonbore kɔ wɔ la. Ka wɔ n ta *Siɔn, Dɛnaa Lawa, wɔa Lawa sii mɛn zɛnaa wɔ nɛ, wɔ a laakalaa.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Misee 4:9

Zeruzalɛmu, là-paparɛɛ bɛ́ á dɔ n-a, wàa na á baa n tá n lɛ dii kanna, ka lɔ nɔnɔ-a n nɔ̀ɔrɔ koe? N kii lɛ na a banban doo wa? N doroli lɛ na á gã?

Luku 6:21

Kasɛn mɛnɛn bɛ́ bòo tá ka ganaa sisia, Lawa á re barka diɛ ka ganaa, á re màn-bii koe ka la ka bii ka kã. Kasɛn mɛnɛn bɛ́ wuu pii sisia, Lawa á re barka diɛ ka ganaa á re ka foo kɔɔ̃n koe ka yaa wɔ.

Rɔmu minin 11:26

Bɛa yɔrɔ kɛ lɛ la, Izirayeli minin dɔn tumaa á re kirisibiɛ, ká a bɛ́ á n kiɛ̃ lɔn: «Nyin-sili lɛ n die boe *Siɔn kele la Zeruzalɛmu kiwi, a n die Zakɔba tɔrɔ minin kɛn Lawa bɔlɔ-tii nyɛɛ.

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Sii-nyaan 5:4

Ma foo ziziɛ̃ parsiini, a giala mà min kɔ́n yɛ, a n kɔnboe ka sɛ́wɔ kɛ a lɛ buĩ ni, a n yii kɔ a-n wa.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»