Izayii 30:17 - LAWA A BOO SONBORE

¹⁷ Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

LAWA A BOO SONBORE 2011

¹⁷ Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

Izayii 30:17 ပူးပေါင်းရင်းမြစ်များ

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Zeremii 37:10

Ta ka n boe Baabilonii gána a sɔraasin tumaa la, ǹ mɛnɛn yii bɛ́ re goɛ̃ koo ǹ bii busulən lɛa, bɛn tá re yui ǹ zìã kionən ne, ǹ tɛ da Zeruzalɛmu kiwi ganaa.»

Busii pɛ 4:19

Min mɛnɛn bɛ́ wɔ kio lui, ǹ yii á fuu á la don a sian manɛ. Maǹ wɔ lui kelen la, maǹ kan koe wɔ nɛ diə ne.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Lawa a wúlu-bɔlen 26:36

Kaa min mɛnɛn yii bɛ́ re goɛ̃ koo, ma á re foo biɛ niɛ diɛ bɛn ganaa, kaa zɔ́ɔn lɛn gána nɛ. Ta da luu na á na lon á mɛnaa, ǹ tá re n gòã diɛ baa nɛ. Ǹ tá re baa sii ka min nə ǹ kio ka gɔya sa nɛ. Ǹ tá re boe bɛ̀ ǹ nə n duduwəə tán min dɔ ná a bie ǹ lui wa.

Lawa a wúlu-bɔlen 26:8

Kaa min sooro á die kaa zɔ́ɔn lɛn min paabiɛ lui, kaa min paabiɛ á die kaa zɔ́ɔn lɛn min duu fù lui. Ka á re kaa zɔ́ɔn lɛn dii, ka ǹ kaa tán.

Amɔɔsi 2:14

Ma á boe baa la, bɛa re n boe a-n wa, pàã tá ma lon, bɛa là á re yii n na-a wa, maa boe zia la, bɛa re n nyin sii wa.

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Zozoe 23:10

Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.