Izayii 30:16 - LAWA A BOO SONBORE

¹⁶ Ka ǹ pii: «Haayii, wɔ n die baa sii ka sùin ni.» Sonbore, ka á re baa sii. Ka n pii dɔn: «Wɔa sùin lɛn tá boe baa la.» Taãn nɛ. Min mɛnɛn bɛ́ ka kialan lui, bɛn dɔn yii á re fuu koe ǹ la ka nɛ.

LAWA A BOO SONBORE 2011

¹⁶ Ka ǹ pii: «Haayii, wɔ n die baa sii ka sùin ni.» Sonbore, ka á re baa sii. Ka n pii dɔn: «Wɔa sùin lɛn tá boe baa la.» Taãn nɛ. Min mɛnɛn bɛ́ ka kialan lui, bɛn dɔn yii á re fuu koe ǹ la ka nɛ.

Izayii 30:16 ပူးပေါင်းရင်းမြစ်များ

Kiin2 25:5

Kalde minin zia-baalin lɛn nə́ tɔ́n kii lɛ kio loo, ǹ nə́ woo dɔ a ganaa Zerikoo kiwi a nyankɔrɔ lɛ kɛ nɛ. A zia-baalin tumaa sawaa ǹ nə́ toa walan.

Zɔbu 39:11

A pàã a golebaa kɛ taman yii, n tá re n foo doɛ a ganaa, n nə n dí toa a gɔn mà a nya?

Loen 147:10

Sùi pàã bie a foo kɔɔ̃n koe wa, gòã kaka-a a sii zɛnaa bie kiɛ a foo la wa.

Loen 33:17

Bɛ̀ n tá li n gɔ̀lɔ̀ baa, bɛ̀ ń nə́ n foo doa sùi ganaa, kooro ne. A laanka a pàã kɛ lɛ tumaa nɛ, asɛ bie toɛ min la wa.

Izayii 2:7

Gána lɛ piɛ̃maa-n ka sana nɛ, wɔrɔ nɛ. A naforo la yii ni. A piɛ̃maa-n ka sùin ni, a ziabaa ǹ wotoron nə́ la yii ni.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 31:3

Ezipti minin man minbuiin nɛn lɛa, ǹ bie Lawa lɛa wa. Ǹ sùin man tɔɔ kooron lɛa, ǹ bie màn kɔsɔn lɛa wa. Bɛ̀ Dɛnaa Lawa nə́ n gɔn saa ǹ li lɔn, min mɛn bɛ́ dɔmalɛ we, bɛ n mɛnɛɛ. Min mɛn bɛ́ nɔ̀n diɛ ka dɔmalɛ nɛ, bɛ n yalɛɛ. Ǹ dinin tumaa n giɛ̃ kun.

Zeremii 39:4

Zudaan kii Sedekiasi laanka a sɔraasin bɛ́ ǹ nə́ ǹ yɛ lɔn, ǹ nə́ baa si tèlò basa li ǹ nə́ soo kiwi lɛ nɛ, ǹ nə́ bɔ kii a dù gɔrɔ kɛ nɛ, ǹ nə́ woo soo kiɛnlɛ kɛ nɛ kungɔn màn paa bii n ni. Ǹ nə́ Arabaa zii saa.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 46:6

Baa-sili zanbia din ba boe baa la wa, zia-baali zanbia a liɛ dinin wa. Efrati tà lɛ-a, gɔsɛ a lɛ̀gɔn la, maǹ tatalɛɛ ǹ bɔ ǹ kaa.

Zeremii 52:7

Ǹ nə́ yala bɔ kiwi tama a ǹ kungɔn kɛ ganaa, kiwi lɛ lɛnpɛnɛ. Tèlò-n, Zudaa a sɔraasin tumaa baa si. Ǹ nə́ bɔ ka kiɛnlɛ kɛ nɛ kungɔn màn paa kɛ bii n ni, dia-n woe kii a dù gɔrɔ la. Baabilonii minin nə́ Zeruzalɛmu lɛnpɛnɛ. A laan bɛ yii ni, ǹ nə́ bɔ ka Arabaa zii kɛ nɛ.

Busii pɛ 4:19

Min mɛnɛn bɛ́ wɔ kio lui, ǹ yii á fuu á la don a sian manɛ. Maǹ wɔ lui kelen la, maǹ kan koe wɔ nɛ diə ne.

Amɔɔsi 9:1

Má maa Dɛnaa yɛ golee-n lon *wúlu bɔ ǹ bǎã kɛ lalan. A na á goã kɛ pii: «Bìbìn kɛn mìi yiyiɛ, kiɛnlɛn kɛn nə bìn dada. A wuru a n kɔ ǹ tumaa lɛ. Ta ǹ mɛnɛn nə́ la, ma á re bɛn dii ka gɔya sa nɛ. Ǹ kɔn ba re boe la a baa si a la wa, ǹ kɔn ba re n boe a-n wa.

Misee 1:13

Lakiisi minin lɛn, ka sùin kaa wotoron ganaa. A giala, *Siɔn kiwi minin lɛn man nə́ ǹ saa ka dinin li, ǹ nə́ tɔ́n sii baraa zɛnaa. Bɛ̀ ń yaa Izirayeli minin lɛn nə́ n piã, ka dinin sii ni.

Abakuku 1:8

Ǹ sùin baa la goen wɔ nɛ. Don ginin mɛnɛn bɛ́ woe dɔ doe wasamiɛ̃nɛ, ǹ kakaarɛbaa la bɛn wɔ nɛ. Ǹ sùidɛnan man boe sɔsɔɔ die, ǹ nə́ paparɛ. Maǹ yui ka giogiatã-a bɛ́ lɔn woe a siĩ siɛ.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.