Izayii 30:13 - LAWA A BOO SONBORE

¹³ Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

LAWA A BOO SONBORE 2011

¹³ Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

Izayii 30:13 ပူးပေါင်းရင်းမြစ်များ

Kiin1 20:30

Ǹ min mɛnɛn yii goã koo, bɛn nə́ baa si ǹ nə́ kaa Afɛki kiwi. Maǹ nə́ goã min duu fuəwensɔbaa (27 000). Sɛnɛ kungɔn kaa bɛn lɛn dɔn la walan. Bɛn-Adaadi sɛ na á goã á baa si, á woo n duru, kion gialaan nɛ, kiwi lɛ nɛ.

Zɔbu 36:18

Sɛnɛ, n baran n saa foo li, n là wɔ n din a sii li wa. N baran saa lɛ pii ǹ màn li wa.

Loen 62:3

A dinsɔɔ̃ n maa kele lɛa, ma tá n duri a kio, ma bɛ́ boe la ma kirisibaa bǎã mɛn nɛ. Màn kɔn ba re bìn diɛ ma ganaa wa.

Loen 62:4

Ka tumaa n die n lɛ kiɛ kun yǎa biĩ, mà ka n yui min goon gialaa, ka n die, ka ǹ bɛ́ kungɔn talaa wole, hinlaa bìn dii wole die ǹ kaa lɔn?

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Suusun 6:15

Bɛ lɛ nɛ, sàabaa ba la wa, a mɛnaa n bǎã goon lɛa, a yɔyɔrɛɛ a re boe dí wa.

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Izayii 29:5

N zɔ́ɔ damatan kɛn tá re n biɛ ka gusuũ bɛ́ lɔn. Zaman mɛn bɛ n yɔyɔrɛ, bɛn tá re n biɛ ka làpaa bɛ́ lɔn, piɛ̃ n goɛ. Sɛnɛ, bǎã goon ne,

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 47:11

Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.

Izayii 48:3

«Sii bibinaan kɛn, má ǹ boo da ka nɛ haalɛ bibi, má a boo da ka nɛ, ka ma. Bǎã goon ne, má siin zɛnaa, ǹ nə́ yɔrɔ dɔ yɛ.

Izayii 58:12

Kɛbɔlɔ zizin kɛn, n zaman lɛ tá re bɛn doe. N tá re kion doe kɛ gòã zizin kɛn la ǹ nə́ n la bɔ ǹ ganaa haalɛ bibi. Ǹ tá re n bíi: «Tɔrɔ mɛn bɛ́ kɛ kolon tiɛ̃, a n wusii kiwi a ziin zɛnɛɛ.»

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Matiə 7:27

La kaa, pɛrɛn nə́ pã ǹ nə́ toɛ̃, piɛ̃ gole yoo, á nyanaa á kaa. A ziziɛ̃ ǹ gɔn nə baraa kɔ á la yii ni.

Luku 6:49

Sɛnɛ, min mɛn bɛ́ masɛ a boo lɛ miɛ, a na a ba zɛnɛɛ wa, bɛa dɛnaa n kɔnboe ka giĩ goon ne, a ná a kion dɔ tán kooro la. A na a giala daa á wɔ tán wa. Mu toɛ̃ á daa kion lɛ ganaa, bǎã goon ne á kaa ka lenlen. Bɛa kion lɛ a kaa a bɔ̀n nə́ gole kɔ parsiini.