Izayii 30:12 - LAWA A BOO SONBORE

¹² Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

LAWA A BOO SONBORE 2011

¹² Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

Izayii 30:12 ပူးပေါင်းရင်းမြစ်များ

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 24:2

Ǹ taasiɛ n doa nɛ basaã ganaa. Ǹ bɛ́ re sii baraa mɛn zɛnɛɛ, ǹ lɛ n bɛ dinsɔɔ̃ boo diɛ.

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 30:7

Taãn nɛ, Ezipti a dɔmalɛ n piɛ̃ lɛa, a màn kɔn lɛa wa. Bɛ lɛ nɛ ma á pii gána kɛ nɛ: «Ma n Rahabu lɛa, don màn babaraa piɛ̃-wole ke, sɛnɛ n ba bìn diɛ wa.»

Izayii 47:10

Ma nə n goã n foo doɛ n sii bɔbɔnɛɛn kɛn ganaa. Ma nə n goã taasɛ: «Min kɔn yii ba ma ganaa wa.» N yiridɛnaabaa laanka n sii-doɛ̃n lɛn man nə́ n sã. Ma nə́ n goã taasɛ: «Ma miã banban, min kɔn ba ka ma bɛ́ lɔn wa.»

Izayii 5:24

Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Izayii 8:6

Silowee mu ke baa sii sɛlɛlɛ, Zudaa zaman nə́ n piã ka bɛ nɛ, a giala, ǹ foo n kɔɔ̃nɛ kii màn paa kɛ taman yii: Resini laanka Pekaa.

Zeremii 13:25

Dɛnaa Lawa a da ǹ boo á ke: Zeruzalɛmu, sii mɛn bɛ́ re n yii, ma sii mɛn yɔrɔ bɔ n wɔ lɛa, bɛ á ke. A giala, n yiri bɔ ka ma nɛ ń nə n foo doa lawa kooron ganaa.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.