Izayii 30:11 - LAWA A BOO SONBORE

¹¹ Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

LAWA A BOO SONBORE 2011

¹¹ Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Izayii 30:11 ပူးပေါင်းရင်းမြစ်များ

Kiin2 19:22

Ma n nə́ n sɔ kɔ die-a, ń wɔ a lon baraa? Ma n nə́ n lɛn saa lon die li, ń ga a ganaa ka din koa nɛ? Izirayeli a Lawa sonbore kɛ nɛ.

Zɔbu 21:14

A da yaa, ǹ dinin lɛn man pii Lawa nɛ: «Wɔ toa kiĩni. Wɔ ba li wɔ n zii kɛ dɔ̃ wa.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 29:21

ǹ nə́ soɛ diɛ ǹ miãn la, ǹ nə́ kan koe kiri-kuruli ni, ǹ nə́ toɛ ǹ nə́ yii tì-a kuĩ, bɛn wɔ n die goɛ̃ ka gɛ̀ nɛ.

Amɔɔsi 7:13

Sɛnɛ, n nyan toa n pɛ mà n nə n Lawa a boo gii diɛ Betɛli doo wa. A giala, Betɛli kiwi lɛ n kii a giã ǹ bǎã lɛa, gána lɛ a bǎã gole lɛa.»

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Nya ǹ dín 13:8

Sɛnɛ, Bara-Yezu lɛ, a tɔ kɔsɔ n Elimasi, bɛ giala mà "Koe siin-zɛnaali", bɛ́ Barnabaasi laanka Sooli liere kɔ, a na á goã giɛ li a kii lɛ kurəə golee Lawa li ganaa.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Efɛɛzi minin 4:18

ǹ yiri n tiɛ̃ nɛ. Lawa bɛ́ nyin mɛn koe, ǹ gii kɔ́n ba bɛ-n wa. A giala mà yiri baãnaan manɛ, ǹ foo laa ka kaka.