Izayii 3:8 - LAWA A BOO SONBORE

⁸ Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

LAWA A BOO SONBORE 2011

⁸ Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 3:8 ပူးပေါင်းရင်းမြစ်များ

KZS2 28:18

Ka bɛ dɔ nɛ, Filisiti minin nə́ wɔ *Sefelaa a nyankɔrɔ lɛ kiwin ni, ka Negɛvu wɔn nɛ. Ǹ nə́ Bɛti-Semɛsi kiwin kũ, Ayalɔn nɛ, Gederɔti ni, Sokoo ne ka a lɛkoro-a kiwin ni, Timinaa nɛ ka a lɛkoro-a kiwin ni, Gimuzoo ne ka a lɛkoro-a kiwin ni. Ǹ nə́ giã walan.

KZS2 33:11

Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.

Suusun 26:27

Min mɛn bɛ́ yala foɛ̃, a din nə die n doe a nɛ. Min mɛn bɛ́ kɔlɔ birikəĩ, kɔlɔ á re n birikəĩ la.

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 49:19

Hiĩ, n gána lɛ n kɛbɔlɔ lɛa, a n diə gole lɛa, á ziziɛ̃. Sɛnɛ, kànaa ka boɛɛn nɛ, á re kiɛɛrɛ koe n zaman ganaa. Min mɛnɛn nə goã yui ka gialaa, bɛn tá re woe sɔsɔɔ.

Izayii 57:4

Ka ǹ yaa we die ganaa, ka nə n lɛ buĩ banabana die li? Ka ǹ ka lɛwɔn boe die li? Ka ǹ nɛnyaan bɔlɔ tii wolen lɛa, ka ǹ soɛ-bɔlen dɔn lɛa.

Izayii 59:3

Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Zeremii 23:36

Ka doamaa bie ka pɛ doo mà Dɛnaa Lawa na á guĩ da min mìi-n wa. Dɛnaa Lawa a boo n guĩ lɛa? Haayii. Sɛnɛ, bɛ̀ ka bɛa boon kɛn tɔrɔn da, ka ǹ Lawa Yiikoonaa, Lawa Pàãyiidɛnaa, wɔa Lawa a boo kɔkɔrɔ koe.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Ezekieli 8:12

Dɛnaa Lawa tɔ́n pɛ ma nɛ: «Nsɛ minbuiin a nɛ, Izirayeli tɔrɔn lɛn min golen bɛ́ sii mɛn zɛnɛɛ wɔlɔ tì li, n yii tá a ganaa ke? Didie na a dì kion. A giala, maǹ pii mà Dɛnaa Lawa yii ba ǹsɛn ganaa wa, mà Dɛnaa Lawa gána lɛ din toa walan.»

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Ozee 5:5

Izirayeli tɔrɔn din gole kɔ kɛ lɛ n toɛ min nə ǹ dɔ̃. Izirayeli tɔrɔn laanka Efrayimu minin kɛn tá re kiɛ, ǹ sii kɔkɔrɔ zɛnaa taman yii. Zudaa minin kɛn dɔn dinin tá re talɛɛ kunun ǹ ni.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Zude 1:15

màn mɛn bɛ́ toɛ, a kiri kuru min tumaa la. Á die dɔlɔ diɛ piã-wɔlen mìi ni, ǹ gɔ́ɔ̃ tii Lawa ganaa siin kɛn lɛa, ka ǹ boo bɔnɛɛn kɛn tumaa nɛ, ǹ nə́ ǹ da Lawa gana.»