Izayii 3:7 - LAWA A BOO SONBORE

⁷ Sɛnɛ, ǹ dɔɔ̃n lɛ á re a lɛ sii, a pɛ nɛ: «Maa boe sii kɔn la ma zɛnaa kaa lɛa wa. Maa kion, màn-bii banban, mɔnaa banban. Maa boe la ma kiã baa doɛ̃ wa.»

LAWA A BOO SONBORE 2011

⁷ Sɛnɛ, ǹ dɔɔ̃n lɛ á re a lɛ sii, a pɛ nɛ: «Maa boe sii kɔn la ma zɛnaa kaa lɛa wa. Maa kion, màn-bii banban, mɔnaa banban. Maa boe la ma kiã baa doɛ̃ wa.»

Izayii 3:7 ပူးပေါင်းရင်းမြစ်များ

Siin Giala 14:22

Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa.

Izayii 58:12

Kɛbɔlɔ zizin kɛn, n zaman lɛ tá re bɛn doe. N tá re kion doe kɛ gòã zizin kɛn la ǹ nə́ n la bɔ ǹ ganaa haalɛ bibi. Ǹ tá re n bíi: «Tɔrɔ mɛn bɛ́ kɛ kolon tiɛ̃, a n wusii kiwi a ziin zɛnɛɛ.»

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Zowɛli 1:16

Màn-bii lɛ bie á nya wɔ dinin yii-n wa ya? Foo kɔɔ̃nbaa laanka nyɛnyɛɛ lɛ bie á nya Lawa a kion wɔ dinin yii-n wa ya?

Timəə dí-pɛn 32:40

Ma nə n gɔn siɛ ma dia lon ma kɛ pɛ: Ma din lɛ yii n koo yǎa duduu!