Izayii 3:5 - LAWA A BOO SONBORE

⁵ Minin man die boe kɔn yii ni, ǹ kakaarɛ kɔ kɔ ǹ ganaa. Nɛ tenən man die yui min zizin gialaa, min kooron nə sìi da min yii guguru-an ganaa.

LAWA A BOO SONBORE 2011

⁵ Minin man die boe kɔn yii ni, ǹ kakaarɛ kɔ kɔ ǹ ganaa. Nɛ tenən man die yui min zizin gialaa, min kooron nə sìi da min yii guguru-an ganaa.

Izayii 3:5 ပူးပေါင်းရင်းမြစ်များ

Kiin2 2:23

Yiliizee kiɛ̃ walan á woo Betɛli. A bɛ́ zii la woe, nɛ tenən nə́ soo kiwi gɔ́ɔ̃ nɛ, ǹ nə́ goã yaa we a ganaa, bɛ̀ ǹ tá pii: «N tan baã fu-a! N tan baã fu-a!»

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 11:13

Bɛa waáraa kəni, Efrayimu gána a foo wuu pɛ á re nyɛɛ. Zudaa gána a zɔ́ɔn tá re bɔ̀n biɛ. Efrayimu gána foo a re wuu pii Zudaa gána li doo wa. Zudaa gána a re Efrayimu gána biɛ zɔ́ɔ doo wa.

Izayii 19:2

Dɛnaa Lawa pɛ: «Man die Ezipti minin yii soe kɔn ganaa, ǹ kɔn dɛ, dɔɔ̃n laanka dɔɔ̃n, giaára laanka giaára, kiwi laanka kiwi, gána laanka gána.

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Lawa a wúlu-bɔlen 19:32

Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Zakarii 11:6

Dɛnaa Lawa a da ǹ boo á ke: – Gána lɛ a minbuiin nɛn makara a re ma kuĩ doo wa. Man die didie diɛ ǹ miãkɛn a pàã giulun, ka ǹ kii ni. KIIN tá re ǹ gána ziziɛ̃ lenlen. Min kɔn ba re kanbiɛ ǹ ganaa wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Marki 14:65

Ǹ kɔnɔn ná a giala kɔ ǹ nə́ sɛ̀ kaa Yezu ganaa, ǹ nə́ màn yii a yii ganaa, bɛ̀ ǹ nə n gɔn munu ǹ dɛ, ǹ nɔ̀n da la: «Min mɛn bɛ́ á n dɛ, bɛa dɛnaa pɛ wɔsɛn man kən le!» Bɛ kio, garadin nə́ Yezu kũ ǹ nə́ n gɔn tɔtɔ a para-n.

Zaaki 2:6

Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.