Izayii 3:26 - LAWA A BOO SONBORE

²⁶ Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

LAWA A BOO SONBORE 2011

²⁶ Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 3:26 ပူးပေါင်းရင်းမြစ်များ

Zɔbu 2:13

Ǹ nə́ giã tán Zɔbu li lɛawaa sɔbaa ka tèlò sɔbaa, boo goon ná a ba n diɛ ǹ la wa. A giala, ǹ nə́ yɛ mà Zɔbu a là-paparɛɛ lɛ gole kɔ, á la yii ni.

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Izayii 29:2

Sɛnɛ, man die n ziziɛ̃ Zeruzalɛmu. N tá re gungunun sii, n yii mu pã a kaa, sɛnɛ ma n die goɛ̃ masɛ wɔ lɛa.

Izayii 32:14

A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 14:2

Zudaa zaman nə gɛ̀ koɛ, ǹ kiwin pàã nya. Min tumaa foo n zizɛ̃ nɛ. Zeruzalɛmu a lɛ-dɛ n dii lon.

Zeremii 15:8

Má ǹ lɔ giɔɔrɔn mɔnaa, ka yìsi mu gole a nyɔɔsɔ̃ bɛ́ lɔn. Penleen tã, má basaã dia sɔraasi ten a náa la. Bǎã goon ne, má nyɛ́ɛ laanka gɔ̀nɔn bìn diɛ dia la.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Busii pɛ 2:8

Dɛnaa Lawa golee li, mà a n die Siɔn a kungɔn wurii. Á biɛ nàn nyoã, a n die zɛnɛ kɔnlɛ. Á yuyu miɛ̃, yǎa a tumaa wuru. Kiwi lɛnpɛnɛ ǹ kungɔn bibinaa laanka a paabaa ǹ wɔ lɛ yu. Bɛ foo-ziziɛ̃ baa.

Ezekieli 12:20

Minin bɛ́ kiwin mɛnɛn nɛ, bɛa kiwin lɛn kɛbɔlɔn tá re kiɛ, gána lɛ á re don biɛ. Ka á re doɛ̃ ka bɛ-n kəni, mà masɛ din nə Dɛnaa Lawa lɛa.»

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Misee 1:9

A giala, sii mɛn bɛ́ die Samarii ganaa, a lɛ goa ǹ gɔn banban. Á ke á dɔ Zudaa gána dɔ din ganaa, á woo yǎa ma tɔrɔn kɛn kiɛnlɛ-a, yǎa Zeruzalɛmu kiwi.

Matiə 11:17

«Wɔ́ pìi pɛ ka nɛ, ka bɛ̀ baa wa! Wɔ́ gɛ̀ loe lɔ ka nɛ, ka wuu dɔ pɛ wa!»

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»