Izayii 3:14 - LAWA A BOO SONBORE

¹⁴ A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

LAWA A BOO SONBORE 2011

¹⁴ A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 3:14 ပူးပေါင်းရင်းမြစ်များ

Zɔbu 22:4

Ma n taasɛ mà Lawa n dɔlɔ boe n ganaa, á n kiri we n ganaa n peperebaa kɛa lɛa? Haayii dɛ!

Zɔbu 24:14

Gɛ̀-dɛle lɛ n yui baayɛlɛ yiisoone, a nɔmaa-wɔle doobaa kɛ lɛ dɛ. Tèlò-n, a nə n din biɛ wurumu lɛa.

Zɔbu 24:9

Min baraan man nɛ toen lɛ niɛ̃ nyɔ ganaa, maǹ là boe doobaa la.

Zɔbu 34:23

Lawa laadoo ba a ganaa a ga minbuiin nɛ ganaa gunyin paa, a tɔn bíi a wo kiri wɔ a ganaa wa.

Loen 10:9

a nə n duri á kuu koe, ka yàra bɛ́ kuu koe daã-n lɔn. A n kuu koe doobaa ganaa á n kuĩ, a na a biɛ koɛ á n doobaa kuĩ ni.

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Suusun 30:14

Min tɛnɛn sɔn man ka gɔya san bɛ́ lɔn. Ǹ paǹ gɔn we n ka gɔya bɛ́ lɔn. Maǹ kanaa lɛ a nɔmaa-wɔlen soɛ̃, maǹ doobaan papaɛ̃ ǹ tá ǹ boe minbuiinin bii.»

Izayii 10:1

Min mɛnɛn bɛ́ dí-pɛ kɔkɔrɔn koɛ, landa sɛ́wɔn kiɛ̃, koe boe ǹ miãn ganaa nɛ, bɛn wɔ n ka bɔ̀n nɛ.

Izayii 10:2

Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 14:30

Doobaan tá re màn-bii yii, nɔmaa wolen tá re wɛɛ tán n yiri ǹ bǎã goon ne. Sɛnɛ kasɛn Filisiti minin kɛn, bòo á re ka dii. Kaa min mɛnɛn yii goã koo, ǹ tá re bɛn dii.

Izayii 26:6

Ǹ tá re tɔrɛ la, doobaan tá re tɔ we la, din boɛɛn kɔ wolen tá re yɔyɔrɛ ǹ gòãn giulun.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 30:12

Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 58:4

Hiĩ, bɛ̀ ka n lɛ sɔɔ, ka n zia diɛ. Ka n kɔn dii ka gɔn munii ni. Bɛ̀ ka á n lɛ soɛ ka bɛa yɔrɔ kɛ nɛ, kaa nyankɔ á doe ma li lon wa.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 5:27

Bàanan kion bɛ́ piɛ̃ lɔn ka bàanan nɛ, ǹ dɔn kionən piɛ̃maa-n ka mànan nɛ, mɛnaa ma la ǹ mànan lɛa. Bɛ lɛ nɛ, ǹ nə́ yii gugurubaa yɛ, ǹ nə́ pàãman baa.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 20:35

Ma á re woe ka-n diə gole ne, ma ka na ma ka bɔ tɔrɔ kɔsɔn-a, ka á re golee ma yɔrɔ-a walan ma kiri kuru ka la.

Ezekieli 20:36

Ma goã má kiri kuru ka digolon la lɔn Ezipti diə gole kɛ nɛ, man die kuri ka dɔn la miɛ̃. Ma din Dɛnaa Lawa a da ǹ boo ne.

Lawa a wúlu-bɔlen 25:14

Ta min mɛn nə màn siɛ̃ ǹ miã la hinlaa á pii a lon, min kɔn nyan toa a mɛnaa ǹ miã la wa.

Lawa a wúlu-bɔlen 25:17

Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Amɔɔsi 2:7

Ǹ bɛ́ giɛ sii mɛn li, bɛ n ka kɛ nɛ: maǹ sìi diɛ doobaa ganaa. Maǹ mɛnɛɛ nɔmaa-wɔle la. Nɛ laanka ǹ di n paɛ̃ nɛniɛ goon ganaa, maǹ bɛa sii lɛ zɛnɛɛ, ǹ nə́ ma tɔ sonbore kɛ ziziɛ̃ nɛ.

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Misee 2:1

Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Misee 3:3

A n goon ka ka n ma tɔrɔ minin lɛn siĩ soɛ̃. A n goon ka ka n ká ǹ ki bɔ, ka ǹ wen yiyiɛ, ka siĩ din bɛ́ ǹ tá kukuri, bɛ̀ ǹ kaa kùsì-n lɔn, ka siĩ bɛ́ ǹ tá kukuri, bɛ̀ ǹ kaa fɔlɔ donkolon ne lɔn, ka n ká ma tɔrɔn lɛn baa miɛ̃.

Misee 6:10

Kaa baraabaa ke ka á zɛnɛɛ, kaa wurumubaa ǹ mànan kɛn kaa kion, kaa *belee zɔɔ̃ ǹ màn ke ká màn bɔ lɛ, sii bɔbɔnɛɛ n ká zɛnaa. Ma á boe la ma bɛ si ma ganaa sonbore?

Matiə 21:33

Ka n too kɔ boo giməə kɔsɔ li. Giĩ goon na á wuru bɔ, á da nɛ-kɔle zumu a nɛ, a tɔ mà *rezɛ̃ da, á kungɔn dɔ, á ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa, á ǹ koa a li, á woo zii ni.

Zaaki 2:6

Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?