Izayii 29:6 - LAWA A BOO SONBORE

⁶ Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

LAWA A BOO SONBORE 2011

⁶ Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 29:6 ပူးပေါင်းရင်းမြစ်များ

Marki 13:8

Tɔrɔ á re zia biɛ tɔrɔ kɔsɔ ganaa, gána á re zia biɛ gána kɔsɔ ganaa. Tán tá re bìn diɛ bǎã gigiã nɛ, bòo dɔ á re we. A giala kɔ ǹ gɔn nɛ ka bɛ nɛ, ka lɔ a nɔɔ̀rɔ kɔ ǹ gɔn bɛ́ lɔn.

Sii-nyaan 16:18

La a tɛ-pɛn nə́ yɛ, màn wuun nə́ bɔ, la a paraa wuu bɔ ka yɔrɔ kɔ́n nɛ, tán bìn da parsiini. A saa minbuiin a zɛnaa waáraa ganaa, bɛa tán bìn-diɛ kɛ miã tɔrɔ tɔn yɛ wa, a na á baraa kɔ ka yɔrɔ kɔ́n nɛ!

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Matiə 24:7

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Luku 21:11

Tán bìn-diɛ dadaran tá re n zɛnɛɛ. Busu baraan laanka bòo á re we bǎã gigiã nɛ. Nyɛ́ɛ da ǹ siin ni, ka sii giala pɛ ǹ màn dadaran tá re boe lon gɔ̀nɔn ganaa.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Samayeli2 22:14

Dɛnaa Lawa paraa lon papapã, lon a Lawa gole boo da. La gii kɛ n boe lon kiɛ, a n tɛ pii yɛlɛlɛ yɛlɛlɛ.

Loen 55:8

Sonbore, bɛ̀ a n miɛ̃, bɛ̀ man baa sii, ma wo sɔsɔɔ, ma wo giã don bii. *Doa

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 26:14

Bɛa mìinaan lɛn nə́ gã, ǹ ba re yui doo wa. Maǹ nyínin lɛa sisia, ǹ ba yui doo wa. N nə́ ǹ bɔ̀n baa, yiri a goɛ̃ ǹ nɛ doo wa.

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Amɔɔsi 1:14

Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Izayii 31:9

Ǹ kii gɔ̀nɔn tá re bìn diɛ nyɛ́ɛ gɔn a baa si. Ǹ kiãn foo á re ziziɛ̃, ǹ nə ǹ zanzan daa, Dɛnaa Lawa a da ǹ boo ne, asɛ mɛn a tɛ buə̃ bɛ́ Siɔn, a tɛ koa-n Zeruzalɛmu.

Ezekieli 38:22

Ma á re piɛ̃ busu laanka zia biɛ dɔlɔ lɛa ma da ka mìi ni, bɛ minin dɛdɛ. N laanka n sɔraasin kɛn nɛ ka zaman kɔsɔn kɛ nɛ, ma á re la gole kiɛ ka la ka gii ni, kiribi tɛdɛnaa ń kun ni.