Izayii 29:1 - LAWA A BOO SONBORE

¹ Dɛnaa Lawa pɛ: Ebe, Zeruzalɛmu, Zeruzalɛmu, maa *wúlu bɔ ǹ bǎã bɛ́ kiwi mɛn lɛ nɛ kii Davida daa giã a nɛ. N tá boe la n nə n zɔ́nɔn kɛn tumaa zɛnaa lɛ̀ woo lɛ̀.

LAWA A BOO SONBORE 2011

¹ Dɛnaa Lawa pɛ: Ebe, Zeruzalɛmu, Zeruzalɛmu, maa *wúlu bɔ ǹ bǎã bɛ́ kiwi mɛn lɛ nɛ kii Davida daa giã a nɛ. N tá boe la n nə n zɔ́nɔn kɛn tumaa zɛnaa lɛ̀ woo lɛ̀.

Izayii 29:1 ပူးပေါင်းရင်းမြစ်များ

Samayeli2 5:9

Davida giã bɛa duru ǹ bǎã kaka kɛ lɛ nɛ, á bii "Davida a kiwi". Bɛ kio, Davida kionən dɔdɔ á ná a lɛnpɛnɛ nɛ, a saa Miiloo bǎã kɛ ganaa, a wo kiwi lɛ a gɔ́ɔ̃ yaa.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 29:9

Ka n kaãbaa, tɔwaa ka kũ! Ka yii tere-an baa, ka goã miɛ̃! Ka yɔdɛnan baa, ka n ka duvɛ̃ mi dɔn wa! Ka tatalaa, ka n ka yɔ kakaarɛ mi wa!

Izayii 31:9

Ǹ kii gɔ̀nɔn tá re bìn diɛ nyɛ́ɛ gɔn a baa si. Ǹ kiãn foo á re ziziɛ̃, ǹ nə ǹ zanzan daa, Dɛnaa Lawa a da ǹ boo ne, asɛ mɛn a tɛ buə̃ bɛ́ Siɔn, a tɛ koa-n Zeruzalɛmu.

Izayii 5:12

Maǹ yɔ mii kɔnkoɛ̃nɛn wuu li, tùtu ni, maà nɛ ka pìi ni. Sɛnɛ, ǹ ba doɛ̃ mà Dɛnaa Lawa á sii zɛnɛɛ wa, a bɛ́ sii mɛn yɔrɔ boe, ǹ yii ba bɛ ganaa wa.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 7:21

Dɛnaa Lawa Pàãyiidɛnaa, Izirayeli a Lawa a da ǹ boo á ke: – Ka kaa *wúlu màn lɛ piɛ̃ lɛ laanka kaa wúlu màn kɔsɔn kɛn siĩn kaa kun ka dininmaan nə sɔ̃.

Ozee 5:6

Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:4

Ǹ ba re boe la ǹ duvɛ̃ zuməə Dɛnaa Lawa wɔ lɛa doo wa, ǹ wúlu mànan kɛn sii ba re kɔɔ̃n koe a ganaa doo wa. Ǹ màn-bii ke á re foo ziziɛ̃ ǹ màn-bii biɛ ǹ gɔn. Min mɛnɛn tumaa bɛ́ re bii, bɛn tá re *gɔ̀ diɛ ǹ dinin ganaa. Ǹ màn-bii lɛ á re ǹ dinin toe sɛn, sɛnɛ, a na a boe la a wɔ Dɛnaa Lawa a kion kɛ-n wa.

Lawa a wúlu-bɔlen 23:4

Masɛ Dɛnaa Lawa lɛawaa dadaran mɛnɛn lɛn koa, bɛ̀ ǹ mɛn a biikoo dɔ, ka lɛ dia kɔn la, ka n lɛ sɔkɔn, ka masɛ guguru kɔ. Bɛa lɛawaan lɛn kɔsɔn man ka kɛn nɛ.

Ebrəə 10:1

Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?