Izayii 28:9 - LAWA A BOO SONBORE

⁹ Bɛa màn-milin lɛn man nɔ̀n diɛ: Izayii n zoɛ̃ li a daraa kɔ die la? A na a boo giala pii die ne? Nɛnyaanan mɛnɛn bɛ́ ǹ nə́ ǹ lɛ na nyɔ ganaa sisia? Nɛnyaan tiɛɛ̃nɛn mɛnɛn bɛ́ ǹ nə́ ǹ lɛ bɔ nyɔ ganaa sisia?

LAWA A BOO SONBORE 2011

⁹ Bɛa màn-milin lɛn man nɔ̀n diɛ: Izayii n zoɛ̃ li a daraa kɔ die la? A na a boo giala pii die ne? Nɛnyaanan mɛnɛn bɛ́ ǹ nə́ ǹ lɛ na nyɔ ganaa sisia? Nɛnyaan tiɛɛ̃nɛn mɛnɛn bɛ́ ǹ nə́ ǹ lɛ bɔ nyɔ ganaa sisia?

Izayii 28:9 ပူးပေါင်းရင်းမြစ်များ

Loen 131:2

Sɛnɛ, má giã kiĩn ma din yiri li. Ka nɛ bɛ́ lɔn ǹ dan dɔ̀ɔ̃ nɛ, a nyɔ mii doo wa, man miɛ̃ kiĩn ka bɛa nɛ lɛ nɛ.

Loen 50:17

N bɛ́ ń maa doroo tii, ń nə́ n piã ka maa boo ne.

Suusun 1:29

Bɛ n die n zɛnɛɛ a giala ka n piã ka doɛ̃ nɛ, ka n piã ka nyɛ́ɛbaa Dɛnaa Lawa yii n ni.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 28:26

A Lawa na á bɛa sii zɛnaa ǹ gɔn kɛ lɛ nyaa nɛ, á daraa a ganaa.

Izayii 30:20

Dɛnaa á re nɔmaa ka foo ziziɛ̃ koe n la n mu laanka n màn-bii lɛa. Sɛnɛ min mɛn bɛ́ n darɛɛ, a re n duri n la doo wa, n tá re yii ka n yii ni.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Zeremii 35:13

– Kanna, boo da Zudaa laanka Zeruzalɛmu minin manɛ, n pɛ ǹ nɛ: «Sisia kəni, ka á re lɛ koe doroo kɛ ganaa, ka n too kɔ maa boon li?» Dɛnaa Lawa a da ǹ boo ne.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 6:10

Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Zaã a sɛ́wɔ 12:38

Lawa a boo gii-dali Izayii boo mɛn pɛ, a na á kaa bɛ lɛ lɛ: «Dɛnaa, ǹ boo mɛn ma wɔ lɛ-n, die na á golee li? Dɛnaa na á ná a boo sii la nyaa die ne?»

Zaã a sɛ́wɔ 3:19

Kiri lɛ a wɔ ǹ mìi á ke: Wɔlɔ fúlu daa kanaa gɔ́ɔ̃ nɛ, sɛnɛ, wɔlɔ tì kɔɔ̃n kɔ minbuiinin ganaa á la wɔlɔ fúlu ni, a giala ǹ zɛnaa ǹ siin ba siĩn-n wa.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.