Izayii 28:7 - LAWA A BOO SONBORE

⁷ Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

LAWA A BOO SONBORE 2011

⁷ Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Izayii 28:7 ပူးပေါင်းရင်းမြစ်များ

Loen 107:27

Ǹ yii tii, ǹ nə́ tatalaa ka min na á yɔ mi á kã, ǹ nə́ sii din tumaa zɛnaa ǹ nə́ fɔ̃.

Suusun 20:1

Duvɛ̃ nə min diɛ ǹ miãn yii puusə kɔ ganaa. Yɔ kaka n min diɛ sɛ̀ pɛ ganaa. Min mɛn bɛ́ mii á la a yii ni, bɛa sii-dɔ̃li biɛ wa.

Suusun 23:30

Yɔ mi bɛ́ min mɛn a dí lɛa, a n yɔ kakaarɛn lɔlɛkɔn, bɛa dɛnaa nɛ.

Boo-laakalaali 10:17

Nsɛ wɔ na á bǐɛ̃ kɔ, nsɛ gána ke, n kii n min yii guguru-an nɛ lɛa, n kii kiodɛnan nə́ màn bii á n kɔnpii ka a biikoo ne, ń giɛ ǹ nə́ pàã yii, màn mi a lɛa ná a bie wa.

Izayii 19:14

Dɛnaa Lawa na á ǹ yiri lɔlɔkɔn. Sonbore, bɛa kiãn lɛn man Ezipti yiri siɛ̃ a zɛnaa ǹ sii tumaa nɛ. Ezipti na á kɔnbɔ ka yɔdɛnaa nɛ n lɔloɛ a pisəə ne.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 24:2

A din sii goon lɛ n die min tumaa yii: min mɛnɛn bɛ́ Lawa a wúlu-bɔlen lɛa, ka min mɛn bɛ́ min kooro lɛa, min mɛn bɛ́ maadigiĩ lɛa ka min mɛn bɛ́ bɛ̀rɛ lɛa, min mɛn bɛ́ maadigiĩ a lɔ lɛa ka min mɛn bɛ́ bɛ̀rɛ lɔ lɛa, min mɛn bɛ́ màn siɛ̃, ka a pii wole ne, min mɛn bɛ́ giɔ̀mɔ diɛ, ka min mɛn bɛ́ giɔ̀mɔ siɛ, min mɛn bɛ́ giɔ̀mɔ ná a bɔlɔ-a ka min mɛn bɛ́ a giɔ̀mɔ n kanaa.

Izayii 24:20

Yɔ bɛ́ min yii kuĩ a tatalaa lɔn, tán nə tatalɛɛ miɛ̃, ka piɛ̃ bɛ́ bìn diɛ siã ganaa bɛ̀ a n kanaa lɔn. A n mɛnɛɛ a sãn taman yii, a boe la a yoo doo wa.

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 29:11

Bɛa boon kɛn man nə́ goã ka sɛ́wɔ gɔ́ɔ̃ nɛ ǹ boo bɛ́ lɔn, ǹ ná a lɛ tã, ǹ nə́ tɔrɔ. Ǹ nə́ kɔ sɛ́wɔ-dɔ̃li la, ǹ nə́ pɛ nɛ: «Bǐɛ̃ kɔ n si n pɛ!» Sɛnɛ á ǹ lɛ si: «Ma a boe la wa. Sɛ́wɔ lɛ lɛ tiɛ̃maa nɛ.»

Izayii 3:12

Dɛnaa Lawa n pii: «Maa zaman, min mɛnɛn bɛ́ n nɔmɛɛ, nɛnyaanan manɛ. Ǹ mìilandɛnan man lɔn lɛa. Ee, maa zaman, min mɛnɛn bɛ́ n nyɛɛnaan boe, bɛn manə n yiri siɛ̃. Maǹ nə n diɛ zii baraa la.»

Izayii 43:27

N digolo bibinaa sii baraa zɛnaa, n boo gii-dalin nə́ n gòãn dii ma ganaa.

Izayii 5:11

Min mɛnɛn bɛ́ baa sii yɔ kakaarɛn kio baayɛlɛ yiisoone, wasamiɛn nɛ, ǹ nə n gù fore ka duvɛ̃ nɛ yǎa làan nə koe, bɛn wɔ n ka bɔ̀n nɛ!

Izayii 5:22

Yɔ-mili zanbian lɛn, kaa wɔ n ka bɔ̀n nɛ! Yɔ kakaarɛ mili lɔlɛkɔn wolen, ka dɔn wɔ n ka bɔ̀n nɛ!

Izayii 5:23

Lɛ pii ǹ màn taman yii, ka n zɛ̀rɛdɛnaa toɛ walan. Sɛnɛ, ka nə n piɛ̃, ka sonbore kɔ min pepere la nɛ.

Zeremii 14:14

Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 23:13

Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

Zeremii 23:16

Dɛnaa Lawa Pàãyiidɛnaa pɛ: Ka nyan nə n too kɔ Lawa a boo gii-dalin kɛn lon wa. Maǹ ka yiri siɛ̃. Ǹ bɛ́ boo mɛn diɛ, ǹ dinin taasiɛn manɛ. Masɛ a boon bie wa.

Busii pɛ 2:4

A ná a sa dii ka zɔ́ɔ bɛ́ lɔn, a gusin nə kiɛ la, zoɛ̃ mà a n gɔn bɔ a ganaa. Minin mɛnɛn tumaa bɛ́ kɔɔ̃n wɔ ganaa, á bɛn tumaa dɛ. A ná a foo-yoo kɛ zuzuu ka tɛ bɛ́ lɔn Lawa a kion kɛ la.

Ezekieli 13:7

Man pii ǹ ni: «Ka n sii-nyaa kooron yii, ka nə n gɔn noɛ̃, ka n pii mà masɛ Dɛnaa Lawa a da ǹ boo ne, a da yaa ma boo da ka-n wa.»

Ezekieli 44:21

Bɛ̀ wúlu-bɔle mɛn tá re we Lawa a kion lɛ a sumu gɔ́ɔ̃ kɛ nɛ, a nyan toa a duvɛ̃ wɔ a lɛ-n wa.

Ozee 7:5

Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Abakuku 2:15

Kaa wɔ n ka koe ne! Mi ǹ màn mɛn bɛ́ baraa ka sèwò bɛ́ lɔn, ka ǹ bɛ koe ka miãkɛnɛn la ka pàã nɛ ǹ mi a ǹ yii kũ, màn mɛn bɛ́ toɛ ka ǹ tontoro yɛ.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Matiə 24:29

Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Efɛɛzi minin 5:28

Giĩ n kɔnboe a na a lɔ narɛ ka bɛa yɔrɔ kɛ nɛ, ka a din gɔ̀nɔn bɛ́ lɔn. Bɛ̀ min mɛn tá a lɔ narɛ, bɛ na a dinmaa narɛ.