Izayii 28:5 - LAWA A BOO SONBORE

⁵ Bɛa pinaa kɛ nɛ, Dɛnaa Lawa Pàãyiidɛnaa a zaman mɛn yii goã koo, a dinmaa n die n biɛ kii bafolo lɛa, gii giɔ̀mɔ kaka lɛa bɛn wɔ lɛa.

LAWA A BOO SONBORE 2011

⁵ Bɛa pinaa kɛ nɛ, Dɛnaa Lawa Pàãyiidɛnaa a zaman mɛn yii goã koo, a dinmaa n die n biɛ kii bafolo lɛa, gii giɔ̀mɔ kaka lɛa bɛn wɔ lɛa.

Izayii 28:5 ပူးပေါင်းရင်းမြစ်များ

Zɔbu 29:14

Man má goã peperebaa we ma din-a ka dɔnkɛ bɛ́ lɔn. Maa peperebaa kɛ na á goã dɔnkɛ gole lɛa ma ganaa, zín màn lɛa ma mìi-a.

Izayii 11:16

A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 24:16

LOE kɛ lɛ n boe kanaa paǹ tumaa ganaa: «Ka Lawa tɔ bɔ, asɛ mɛn bɛ́ pepere!» Sɛnɛ, masɛ n kɛ pii: «Má sàabaa, má sàabaa. Wàa koe-n ka kɛ-n ma ganaa.» Tentenən man minin yiri siɛ̃, minin sã woo minin sã. Tentenən man minin siɛ̃.

Izayii 4:3

Bɛ kio, min mɛn tumaa bɛ́ re goɛ̃ Zeruzalɛmu, yiikoonaan lɛa *Siɔn kiwi, ǹ tá re bɛn bíi mà "Dɛnaa Lawa wɔn". Dɛnaa Lawa min mɛnɛn tɔ kiɛ̃ sɛ́wɔ nɛ, màn mɛn bɛ́ toɛ ǹ yii goã koo, bɛn man ka kɛn nɛ Zeruzalɛmu.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Izayii 62:3

Ma n die goɛ̃ ka kii bafolo bɛ́ lɔn Dɛnaa Lawa gɔn, ka kii mɔnaa gɔn siĩn-siĩn bɛ́ lɔn n Lawa gɔn.

Ezekieli 16:12

Ma kaaran da n nyin ni, má kɛn kaa n too ne, má kiibaa ǹ bafolo sonbore wɔ n mìi-a.

Zakarii 12:5

Zudaa a kiãn tá re taasiɛ we ǹ pɛ: «Pàã n Zeruzalɛmu minin lon, a giala, ǹ pàã n ka ǹ Lawa, Dɛnaa Lawa Pàãyiidɛnaa nɛ.»

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.