Izayii 28:4 - LAWA A BOO SONBORE

⁴ Da buũ geren kɛn, nyaǹ sonbore lɛa Samarii kiwi lɛ ganaa, tenten mìi ni nyankɔrɔ basa sonbore kɛ nɛ, bɛn tá re n biɛ ka gɔ́rɔ nɛ bɛ́ lɔn, á ma, a niɛ̃ biikoo ná a tɔn dɔ wa: Bɛ̀ min mɛn yɛ, bɛa dɛnaa n siɛ a bii goon lɛa.

LAWA A BOO SONBORE 2011

⁴ Da buũ geren kɛn, nyaǹ sonbore lɛa Samarii kiwi lɛ ganaa, tenten mìi ni nyankɔrɔ basa sonbore kɛ nɛ, bɛn tá re n biɛ ka gɔ́rɔ nɛ bɛ́ lɔn, á ma, a niɛ̃ biikoo ná a tɔn dɔ wa: Bɛ̀ min mɛn yɛ, bɛa dɛnaa n siɛ a bii goon lɛa.

Izayii 28:4 ပူးပေါင်းရင်းမြစ်များ

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Ozee 13:1

Efrayimu bɛ́ á goã boo diɛ, nyɛ́ɛ na á goã min tumaa ganaa, a giala nyɛɛnaandɛnaa gole ne Izirayeli gána nɛ. Á zɛ̀rɛ da a din-a a *Baali guguru kɔ a lɛa, bɛ lɛ nɛ á gã.

Ozee 13:15

Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Ozee 9:16

Gɔn nə́ Efrayimu minin lɛn kũ. Ka da bɛ́ lɔn, ǹ gòonən nə́ laa. Haalɛ nɛ goon din, ǹ ba re koe doo wa. Ta ǹ gɔ́ɔ̃gɔ́ɔ̃ ǹ nɛnyaanan mɛnɛn nə́ yɛ, ǹ sii n kaka ǹ gɔn, ma á re bɛn dii ma ǹ bɔ kanaa.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Nahumu 3:12

N kungɔnɔn lɛn man ka gɔ́rɔ da bɛ́ lɔn gɔ̀rɔ mərə n la. Bɛ ǹ nə́ zuzuu lɔn gɔrɔ, min mɛn bɛ li mà a bii, a n miɛ̃ bɛ lɛ-n.

Sii-nyaan 6:13

Leeren nə́ bɔ lon ǹ nə́ kaa, ka piɛ̃ gole bɛ́ gɔ́rɔ nɛ burun kiɛ lɔn.