Izayii 28:16 - LAWA A BOO SONBORE

¹⁶ Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

LAWA A BOO SONBORE 2011

¹⁶ Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 28:16 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Loen 118:22

Kion-dɔlen nə n piã ka kɔlɔ mɛn nɛ, a din na á wusoo á kɛ gùrù dɔ ǹ kɔlɔ baa.

Loen 87:1

Koore a minin loe goon ne. LOE. Dɛnaa Lawa na á *Siɔn kiwi giala wɔ kele sonboren la.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 54:11

Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

Zakarii 10:4

Kiã tɔrɔ tumaa n die boe Zudaa gána nɛ, pàã nə́ ǹ tɛnɛn lon ka kion giala daa ǹ kɔlɔn bɛ́ lɔn, ǹ tɛnɛn nə́ paraa-n tán ka zìã kion a kiɛn bɛ́ lɔn, gialakunun man kaka ka ziabaa ǹ sa bɛ́ lɔn.

Zakarii 3:9

Man die kɔlɔ diɛ tán Yesuwa yɔrɔ-a. Bɛa kɔlɔ goon kɛ lɛ la, yii nàn sɔbaa n tɛ pii la. Ma dinmaa n die sɛ́wɔ kiɛ̃ la. Lɛawaa goon toto gɔ́ɔ̃ nɛ, man die gána kɛa sii baraan boe ma ǹ bɔ a ganaa. Masɛ Dɛnaa Lawa Pàãyiidɛnaa a da ǹ boo ne.

Matiə 21:42

Yezu tɔ́n pɛ ǹ nɛ: – Lawa a boo bɛ́ màn mɛn diɛ, ka tɔn bɛ pɛ wa? «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa. Dɛnaa Lawa na á bɛa kaãbaa ǹ dí kɛ nya, wɔsɛn yii na á bɛ lɛ yɛ.»

Marki 12:10

Sàabaa ba la wa, ka boo kɛ pɛ Lawa a sɛ́wɔ-n wa? A n pii: «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Rɔmu minin 10:11

A giala, Lawa a boo n pii: «Min woo min, á n foo doa Lawa ganaa, sìi á re bɛa dɛnaa kuĩ wa.»

Rɔmu minin 9:33

Ká a bɛ́ á n kiɛ̃ lɔn: «Man kion gòã daa ǹ kɔlɔ koɛ *Siɔn, minin daa ǹ kɔlɔ nɛ, sɛnɛ, min woo min nə́ n foo doa a ganaa, sìi a re bɛa dɛnaa kuĩ wa.»

Korɛnti1 3:11

A giala, a gòã na á n daa ka Yezu Krita nɛ; min kɔ́n ba boe la, a na a gòã daa ka màn kɔsɔ-n wa.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»