Izayii 28:1 - LAWA A BOO SONBORE

¹ Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

LAWA A BOO SONBORE 2011

¹ Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 28:1 ပူးပေါင်းရင်းမြစ်များ

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

KZS2 28:6

Lɛawaa goon gɔ́ɔ̃ nɛ, Remalia a nɛgiĩ Pekaa Zudaa sɔraasi duu paabiɛ ka fuə (120 000) dɛ, ǹ tumaa n sɔraasi foo kaka-a lɛa. Bɛ na á yɔrɔ yɛ miɛ̃, a giala maǹ nə́ n la bɔ Dɛnaa Lawa, ǹ digolon Lawa ganaa.

Suusun 23:29

Die n nɔmaa-wɔle lɛa? Die n gɔ́ɔ̃ bii gɔ́ɔ̃ nɛ? Gungunun sii n die wɔ lɛa? Zia n die wɔ lɛa? Die n mandɛ yii mìi ná a ba la wa? Die yii nànan man tãtaã nɛ?

Izayii 28:7

Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Izayii 5:11

Min mɛnɛn bɛ́ baa sii yɔ kakaarɛn kio baayɛlɛ yiisoone, wasamiɛn nɛ, ǹ nə n gù fore ka duvɛ̃ nɛ yǎa làan nə koe, bɛn wɔ n ka bɔ̀n nɛ!

Izayii 5:22

Yɔ-mili zanbian lɛn, kaa wɔ n ka bɔ̀n nɛ! Yɔ kakaarɛ mili lɔlɛkɔn wolen, ka dɔn wɔ n ka bɔ̀n nɛ!

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Izayii 9:11

Siirii minin manə ǹ nyɛɛnɛ, Filisiti minin manə ǹ kio. Ǹ nə́ Izirayeli gána ziziɛ̃ lenlen. Sɛnɛ, bɛ tumaa kio, Dɛnaa Lawa a foo-yoo tɔn nya wa, a gɔn-munii n tɔn lon.

Izayii 9:8

Zaman tumaa tá a siére-a, Efrayimu ni ka Samarii minin ni. Maǹ nə́ goã pii ka din koa laanka din gole kɔ-n kɛnɛn:

Izayii 9:9

«Tii toopaa kungɔn kaa, sɛnɛ wɔsɛn man die doe ká kɔlɔ-sɛlɛɛ toopaa nɛ. Mɛnɛn kɛn gɔn kooro lɛa, bɛn nə́ yiyiɛ, sɛnɛ wɔ n die ǹ lonkoe ka *sɛdrə mɛnɛn nɛ.»

Ozee 4:11

Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Ozee 5:5

Izirayeli tɔrɔn din gole kɔ kɛ lɛ n toɛ min nə ǹ dɔ̃. Izirayeli tɔrɔn laanka Efrayimu minin kɛn tá re kiɛ, ǹ sii kɔkɔrɔ zɛnaa taman yii. Zudaa minin kɛn dɔn dinin tá re talɛɛ kunun ǹ ni.

Ozee 5:9

Dɔlɔ-bɔ kɛa pinaa, Efrayimu tɔrɔ kɛ kɔn ba re goɛ̃ wa. Sii mɛn bɛ́ a re sàabiɛ wa, man bɛ lɛ nyɛɛ Izirayeli tɔrɔn manɛ.

Ozee 6:10

Izirayeli a kion kɛ nɛ, má sii bɔbɔnɛɛn yɛ! Efrayimu tɔrɔn kɛn nə́ kɔrɔbaa zɛnaa walan, bɛ lɛ dɔ n die *gɔ̀ diɛ Izirayeli minin tumaa ganaa.

Ozee 7:5

Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

Lawa a wúlu-bɔlen 26:19

Pàã mɛn lɛ á ke toɛ ka a n dinin koɛ, masɛ á die bɛa pàã kɛ lɛ nyɛɛ. Ma á re lon laɛ ka ganaa ka fɔlɔ bɛ́ lɔn, ma tán laa ka ganaa ka zan bɛ́ lɔn.

Amɔɔsi 2:12

Min mɛnɛn nə n dinin kɔ maa dí taman yii ǹ nə́ duvɛ̃ mi tii, ka n ká duvɛ̃ kɔ bɛn lɛn la ǹ nə́ mi, ká maa boo gii-dalin kurəə, mà ǹ baran maa boo gii da wa!

Amɔɔsi 2:8

Ǹ mɔnaan mɛnɛn si doobaan la giɔ̀mɔ lɛ koa ǹ mànan lɛa, maǹ bɛn naɛ tán wúlu bɔ ǹ bǎãn nɛ, ǹ nə́ wɛɛ ǹ la. Ǹ duvɛ̃ mɛn si ka pàã nɛ, maǹ bɛ mii ǹ dì kionən kɛn nɛ.

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Amɔɔsi 6:4

Ka n wɛɛ piìn la, ǹ nə ǹ mɛnɛn nyaǹ kɔ ka don a díi sɔn nɛ, ka n giɛ̃ dankanan la, ǹ mɛnɛn bɛ́ mumuu. Ka dinin lɛn man tɔɔ kuru lɛ a sère ten sonboren soɛ̃, ka dinin lɛn man zìã lɛ a dii ten kasiɛ̃ wolen soɛ̃.

Amɔɔsi 6:6

Ka n duvɛ̃ kɛ mii màn dadaran nɛ, ka n nyɔɔ gìĩ kɔɔ̃n kɛ loe, sɛnɛ, sii mɛn bɛ́ re Zozɛfu tɔrɔn kɛn yii, bɛa taasiɛ diɛ ka ganaa wa.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.