Izayii 27:9 - LAWA A BOO SONBORE

⁹ Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

LAWA A BOO SONBORE 2011

⁹ Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 27:9 ပူးပေါင်းရင်းမြစ်များ

Kiin2 10:26

Tíĩn mɛnɛn bɛ́ Baali guguru kɔ ǹ kion lɛ nɛ, ǹ nə́ soo ka bɛn nɛ, ǹ nə́ tɛ da ǹ ganaa.

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 14:5

Bɛa lɛ̀n kɛn lɛn gɔ́ɔ̃ nɛ, zia yɛ wa. A giala, Dɛnaa Lawa din na á là nyantoro kɔ la. Gána lɛ bɛ́ yii nyɛɛ la, Azaa kiwin dɔ tamaa nɛ sonbɔraanɛ.

KZS2 34:4

Zoziasi nə́ ǹ kaa dì *Baali a wúlu bɔ ǹ bǎãn wurii ganaa kɔnlɛ ka da yon gìĩ kɔɔ̃n tã ǹ bǎãn nɛ ǹ lalan, a din yii ni. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ. Ǹ nə́ ǹ tumaa yɔyɔrɛ mɔnɔmɔnɔ. Min mɛnɛn nə wúlu bɔ dì nyínin ganaa, ǹ nə́ pɛsɛ̃ bɛn yalan la.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Loen 119:67

Ma bɛ́ ma tɔn nɔmaa wa, man má goã siɛ̃ woe. Sɛnɛ kanna, man koe n da ǹ boon kɛn lɛ.

Loen 119:71

Maa nɔmaa kɛ din na á bǐɛ̃ baa ma ganaa. Á ke á toa má n foo siin dɔ̃.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Suusun 20:30

Busulɛ n min baraa a dagòã lɛa. Mandɛ dɔ n boe la a min gɔ́ɔ̃ *yoreen kɔ.

Izayii 1:29

Bɛa biikoo li kəni, dan kɛn kɔɔ̃n ka-a, ká goã wúlu boe ǹ ganaa, ka foo á re ziziɛ̃ bɛn taman yii. Dù gɔrɔn kɛn kaa wúlu bɔ ǹ bǎãn lɛa, sìi á re ka kuĩ bɛn taman yii.

Izayii 17:8

Ǹ dinin nə wúlu bɔ ǹ bǎãn mɛnɛn dɔ ka ǹ gɔn nɛ, ǹ ba re n yiin doɛ bɛn la doo wa. Ǹ wúlu bɔ ǹ bìbìn kɛn ka ǹ *wúlu màn gìĩ kɔɔ̃n tã ǹ bǎãn kɛn nɛ, ǹ dinin gɔn màn zɛnaa lɛa, ǹ ba re n yɔrɔ diɛ bɛn la doo wa.

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 48:10

Má ka *yoreen kɔ, sɛnɛ a bie ka wɔrɔ wɔ bɛ́ lɔn wa. Má n da ka gɔ́ɔ̃ li ka là papara ǹ tɛ nɛ.

Ezekieli 11:18

Bɛ̀ ká dɔ, dì guguru kɔ ǹ mànan tumaa, ka ǹ bɛ́ sii bɔbɔnɛɛ zɛnɛɛ ka mànan mɛnɛn tumaa nɛ, ka bɛn goa, ka ǹ bɔ gána lɛ nɛ.

Ezekieli 20:38

Min mɛnɛn nə n piã ka ma nɛ, ǹ nə́ ma bɔlɔ tii, má á re bɛn wɛɛ ma ǹ bɔ kun ka nɛ. Ǹ bɛ́ ǹ nə́ woo giã gána kɔsɔ mɛn nɛ, ma á re ǹ wɛɛ ma ǹ bɔ walan, sɛnɛ, ǹ gòã na a re miɛ̃ Izirayeli gána-n wa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Ezekieli 6:4

Ma á re kaa *wúlu màn tã ǹ bǎãn kɛn ziziɛ̃, ma kaa nyɔɔ gìĩ kɔɔ̃n tã ǹ mànan kɛn yu, ma kaa minin kɛn dɛ ma ǹ geren kaa tán kaa dìn kɛn yɔrɔ-a.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Misee 5:11

Ma á die kɔnkoãbaa kɛ niɛ̃ ma bɔ ka gɔn lɛ-a, wɔ-kũli á die goɛ̃ ka bii doo wa.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Rɔmu minin 11:27

Bɛ̀ má ǹ sii baraan nya ǹ mɛn waáraa, bɛ lɛ n die lɛ kɔ kɔn la biɛ masɛ laanka ǹsɛn bii ni.»

Korɛnti1 11:32

Sɛnɛ, Dɛnaa n kiri we wɔ ganaa, á n wɔ doree, ń giɛ dɔlɔ nyan wɔ kũ kun ka kanaa kɛ a minin ni wa.

Timəə dí-pɛn 12:3

Ka ǹ wúlu bɔ ǹ bǎãn kɛn yu, ka ǹ tíĩn yɔyɔrɛ, ka ǹ dì gɔnɔn kɛn tã. Ǹ màn nyínin mɛnɛn sɛlɛ ǹ nə́ ǹ baa ǹ lawan lɛa, ka bɛn yiyiɛ, ka ǹ tɔ papaã ka bɔ bǎã kɛ lɛ nɛ.

Ebrəə 12:6

A giala, Dɛnaa bɛ́ min mɛn narɛ, a n bɛ lɛ dii a doroo, a bɛ́ lɛ koe nɛ mɛn ganaa, a n dɔlɔ boe bɛ lɛ ganaa.»