Izayii 27:11 - LAWA A BOO SONBORE

¹¹ Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

LAWA A BOO SONBORE 2011

¹¹ Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 27:11 ပူးပေါင်းရင်းမြစ်များ

Loen 106:40

Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 18:5

Kaa-piɛ laan bɛ̀ a dɔ, ǹ mɛn waáraa bɛ̀ *rezɛ̃ da buũ kɔ á nya, a nɛ n zoɛ̃ li a ma, gùrùn mɛnɛn bɛ́ ǹ là ná a banban, maǹ bɛn boe ka kuku ni. Maǹ nə ǹ kuri, maǹ a gɔnɔn boe.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 5:13

Bɛ lɛ nɛ, Dɛnaa Lawa á kɛ pii: «Ǹ tá re maa zaman goɛ, ǹ wo ne bɛ̀rɛbaa ǹ bǎã nɛ, a giala, ǹ ba màn kɔn giala miɛ wa. Bòo tá re ǹ min dadaran dii, mu boro nə ǹ zaman dɛ.»

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Zeremii 11:16

Má goã má tɔ kɔ a ganaa máa "*olivie da, luu tì, nɛ sonbore koe biikoo yii li". Sɛnɛ, bìn diɛ gole goon gɔ́ɔ̃ nɛ, ma tɛ da a luun ganaa, a gùrùn tumaa yiyiɛ.

Zeremii 13:14

Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

Zeremii 16:5

Dɛnaa Lawa wusoo á boo da ma-n doo á pɛ: «Minin bɛ́ ń soekɔn gɛ̀ koɛ kion mɛn nɛ, n nyan wɔ bɛ-n wa. N nyan gɛ̀ wuu pɛ wa. N nyan gɛ̀ fòo da wa. A giala, má maa là nyantoro laanka maa kɔn-narɛɛ ka maa makara doɛ̃ lɛ si maa zaman la. Masɛ Dɛnaa Lawa a da ǹ boo ne.

Zeremii 25:37

Dɛnaa Lawa a foo-yoo gole kɛ taman yii, bǎã sonboren kɛn tumaa nyɛɛ kiĩni.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 8:7

Gɔgɔrɔ mɛn din bɛ́ lon, a woo biikoo ke, á bɛ doɛ̃. Leere bàan nɛ ka yongoo ne, bɛn tumaa ta ǹ wusoo a daa biikoo doɛ̃. Sɛnɛ, ma landan mɛnɛn koa, maa zaman lɛ sɛ a bɛn doɛ̃ wa.

Ezekieli 19:12

Sɛnɛ, ǹ nə́ woɛ̃ ka foo ne, ǹ nə́ zũ tán. A nɛ mɛn kaa tán, lɛ̀giala a piɛ̃ kɛ bɛ laa, a gùrù dadaran lɛn nə́ laa, tɛ nə́ ǹ kũ.

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Ozee 4:14

Sɛnɛ, ma bie re dɔlɔ boe kaa nɛlɔn lɛn ganaa ǹ kɔrɔbaa kɛ taman yii wa, ma bie re dɔlɔ boe ka manaan lɛn ganaa ǹ naarɛbaa kɛ taman yii wa. Maǹ lɔ kɔrɔn kuĩ bɛ̀ ǹ wo ǹ ne tìãlɛa, lɔn mɛnɛn nə n dinin kɔ dìn kɔrɔbaa kɛ la, maǹ wúlu bɔ ǹ mànan bibii kun ka bɛn nɛ. «Minin man bɔ̀n biɛ doɛ̃baã taman yii.»

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Matiə 13:19

Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

Matiə 3:10

«Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 1:31

maǹ koe ǹ dinin dùũ dinsɔɔ̃ lɛ. Bɛ̀ ǹ nə́ n lɛ kɔ ka boo mɛn nɛ, ǹ ba bɛa sii zɛnɛɛ wa. Ǹ ba kɔn-narɛɛ doɛ̃ wa, ǹ ba makara dɔ doɛ̃ wa.

Timəə dí-pɛn 4:6

Ka bɛa boon lɛn tamaa, ka kɔ ǹ lɛ. A giala, bɛ lɛ n die kaa sii-doɛ̃ laanka kaa yiridɛnaabaa nyɛɛ tɔrɔ kɔsɔn manɛ, ǹ mɛnɛn bɛ́ re landa boon kɛn lɛn tumaa miɛ. Maǹ die pii: – Tɔrɔn kɛn gigiãbaa lɛ! Sii-doɛ̃ laanka yiri tá ǹ lon dɛ!

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.