Izayii 26:9 - LAWA A BOO SONBORE

⁹ Tèlò-n, man giɛ n li ka ma foo tumaa nɛ. Hiĩ, man giɛ n li ka ma parsii taãn nɛ. Bɛ̀ n tá dɔlɔ boe tán ganaa biikoo mɛn li, kanaa minin manə n darɛɛ peperebaa ganaa.

LAWA A BOO SONBORE 2011

⁹ Tèlò-n, man giɛ n li ka ma foo tumaa nɛ. Hiĩ, man giɛ n li ka ma parsii taãn nɛ. Bɛ̀ n tá dɔlɔ boe tán ganaa biikoo mɛn li, kanaa minin manə n darɛɛ peperebaa ganaa.

Izayii 26:9 ပူးပေါင်းရင်းမြစ်များ

KZS1 16:14

Dɛnaa Lawa lɛ n wɔa Lawa lɛa, a din lɛ n kii lɛa, kanaa tumaa mìi la.

Loen 105:7

Dɛnaa Lawa lɛ n wɔa Lawa lɛa, a din lɛ n kii lɛa, kanaa tumaa mìi la.

Loen 119:55

Tèlò-n, ma nə n yiri koe ka n din tɔ kɛ-n, Dɛnaa Lawa. Ma nə n landa boon kɛn tamaɛ.

Loen 119:62

Man yui làan bɛ̀ ma barka da n nɛ, n sii yɔrɔ bɔ ǹ boo peperen kɛn lɛa.

Loen 130:6

Ma nə n yii diɛ Dɛnaa Lawa la. Wɔlɔ-lɛduə̃li bɛ́ n yii diɛ lɛ̀ a waa la lɔn, ma nə n yii diɛ la á la bɛ nɛ.

Loen 58:11

Min pepere á re n nyɛnyɛɛ, gɛ̀ dòo boe kɛ a yɛ gɔ́ɔ̃ nɛ. Á re kiɛ̃ lon, bɛ̀ a zɔ́ɔn nə́ mɛnaa tán.

Loen 63:1

Davida a loe, bɛ̀ a bɛ́ don sabii Zudaa gána nɛ.

Loen 63:5

Man die barka diɛ n nɛ maa yiikoonaabaa tumaa gɔ́ɔ̃ nɛ. Man die ma gɔnɔn goɛ lon, ma n din nyankɔ.

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Loen 78:34

Bɛ̀ Lawa nə́ ǹ goon nyin bɔ ǹ mɛn pinaa, gialakunun kɛn man doe ǹ dinin ganaa, ǹ wusoo ǹ wo Lawa li.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Busii pɛ 2:19

Yoo, n nə n lɛ dɛ tèlò-n, kɔn gɔn lɛsi ǹ biikoo tumaa li. Ń gɔ́ɔ̃ toɛ̃ Dɛnaa Lawa yɔrɔ-a, ka mu bɛ́ baa sii lɔn. Ń nɛnyaanan kɛn giɛ̃ bòo gɔn ziin bɔ kɔn-a ǹ bǎã nɛ, n gɔnɔn dia lon Lawa la bɛn lɛa.

Busii pɛ 3:25

Min mɛn foo bɛ́ doa-n Dɛnaa Lawa ganaa, a n giɛ li ka a parsiini, a n bǐɛ̃ biɛ bɛ la.

Ezekieli 5:15

Ma á re dɔlɔ boe a ganaa ka ma foo ne, ka kakaarɛbaa nɛ, ma a sɔ̀n pɛ taãn-taãnɛ. Bɛ̀ ma bɛ zɛnaa ǹ mɛn waáraa, tɔrɔn mɛnɛn bɛ́ a lɛnpɛnɛ, bɛn tá re sɔ kiɛ la, ǹ da yaa lɛa. Bɛ lɛ á re min kɔsɔn doree, a nyɛ́ɛ da ǹ ganaa. Ma din Dɛnaa Lawa n ma pɛ.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Marki 1:35

Bɛ lɛ a lɛawaa, baayɛlɛ yiisoon ne, bɛ̀ wɔlɔ bɛ́ tɔn tì, Yezu yoo á woo Lawa nyankɔ don.

Luku 6:12

Bɛa biikoo kɛ lɛ li, Yezu woo Lawa nyankɔ kele mìi ni, á Lawa nyankɔ ka tèlò tumaa nɛ.

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.