Izayii 26:6 - LAWA A BOO SONBORE

⁶ Ǹ tá re tɔrɛ la, doobaan tá re tɔ we la, din boɛɛn kɔ wolen tá re yɔyɔrɛ ǹ gòãn giulun.

LAWA A BOO SONBORE 2011

⁶ Ǹ tá re tɔrɛ la, doobaan tá re tɔ we la, din boɛɛn kɔ wolen tá re yɔyɔrɛ ǹ gòãn giulun.

Izayii 26:6 ပူးပေါင်းရင်းမြစ်များ

Kiin2 9:33

Zewu tɔ́n nə n toa: «Ka Zezabɛli kũ ka zũ tán.» Ǹ dɔn nə́ kũ ǹ nə́ zũ tán. Zezabɛli mà soo á n pɛsɛ̃ kiwi lɛ a kungɔn ganaa ka Zewu a sùin mɛnɛn nə tɔtɔrɔ la.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 25:10

Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

Izayii 28:3

Kiwi ke ka kii bafolo bɛ́ lɔn Efrayimu a yɔ-milin kɛn yii li, bɛ n die n yɔyɔrɛ.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 37:25

Má tùn fɔ̃ a nɛ, má ǹ mu mi. Tà gòãn mɛnɛn bɛ́ die Niili ganaa, bɛ̀ má n gòã da Ezipti a tán la, man bɛn tumaa piɛ̃ ka daɛ̃.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Zeremii 50:45

Dɛnaa Lawa sii mɛn yɔrɔ bɔ Baabilonii gána wɔ lɛa, a sii mɛn yɔrɔ bɔ Baabilonii minin wɔ paǹ li, ka n too kɔ bɛ li kəni. Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ nɛnyaanan tumaa nɛ, ka tɔɔn wɔ bɛ́ lɔn. Sàabaa ba la wa ǹ dinin taman yii, ǹ tá re ǹ zìãn wurii.

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Luku 10:19

Ka n too kɔ: Á ke, má pàã kɔ ka la, máa ka zɔ́ɔ Sɛtaan pàã din tumaa tuturu, ka tɔ wɔ miɛ̃n laanka tonən la, sii baraa kɔ́n dɔ a re ka yii duduu wa.

Rɔmu minin 16:20

Kànaa ka boɛɛn nɛ, là nyantoro-kɔle Lawa á re *Sɛtaan tuturi ka gòã giulun. Wɔa Dɛnaa Yezu a bǐɛ̃ die a goã kun ka nɛ!

Korɛnti1 1:26

Ka n yiri koa li, ma dɔɔ̃nɔn lɛn, kasɛn mɛnɛn bɛ́ Lawa ka bíi á ka bɔ, ka n dinin dɔ̃. Kaa sii-dɔ̃lin ba tɛ minbuiinin yɔrɔ-a wa, kaa pàãdɛnaa dɔ a tɛ wa, kaa bɔ sumu bǐɛ̃n nɛ wole dɔ a tɛ wa.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Zozoe 10:24

Ǹ bɛ́ ǹ nə́ ǹ waa ǹ nə́ daa ǹ kɔ Zozoe la, Zozoe tɔ́n lɛ dia Izirayeli minin lɛn tumaa la. Zia-baalin goledɛnan mɛnɛn nə goã ǹ nə́ tɔ wɔ ǹ nə́ woo kun ni, á tɔ́n pɛ bɛn manɛ: «Ka n zɔ̃ ka da kànaa, ka n gòãn kaa kiin kɛn wìi la.» Ǹ nə́ n zɔ̃ ǹ nə́ dɔ, ǹ nə́ n gòãn kaa ǹ wìi la.

Sii-nyaan 2:26

«Min mɛn bɛ́ re gɔ̀lɔ̀ biɛ, a ma foo sii zɛnaa a dɔ a giala-nyɔmɔɔ ganaa, maa Díi Lawa bɛ́ á pàã mɛn kɔ ma la, ma á re bɛ koe ǹ dɛnaa la: ma á re gánan tumaa a lɛduə̃ ǹ pàã koe la, a á re ǹ lɛduĩ ka kiibaa ǹ fɔlɔ bàlà nɛ, a nə ǹ yɔyɔrɛ, ka ǹ bɛ́ tii dɔn yɔyɔrɛ lɔn.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.