Izayii 26:21 - LAWA A BOO SONBORE

²¹ A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

LAWA A BOO SONBORE 2011

²¹ A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Izayii 26:21 ပူးပေါင်းရင်းမြစ်များ

Zɔbu 16:18

Haya tán, n nyan pii kɔ ma mà kɛ lɛ wa koe! Toa maa lɛ-dɛ kɛ dɔ bǎã tumaa nɛ!

Zɔbu 20:27

Lawa á die pìi boe a sii baraa kɛ lɛ, kanaa minin tá re yui a gialaa.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 18:4

A giala, Dɛnaa Lawa pɛ ma-n kɛnɛn. Ma bɛ́ giã-n bǎã mɛn nɛ, man zoɛ̃ li ma giã kiĩni, ka kaa-piɛ waáraa labara bɛ́ lɔn. Man zoɛ̃ li ma ga gongon, ka sɛ̀fuu waáraa a wasa bɛ́ lɔn.

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Izayii 29:6

Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 65:6

Sɛnɛ, má n yiri koa bɛ tumaa li. Ma a re n lɛ tiɛ̃ doo wa. Ma á re dɔlɔ gole diɛ ǹ mìi ni bɛ taman yii.

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Izayii 66:6

Ka n too kɔ bìn diɛ kɛ li boe kiwi, bìn diɛ ke boe Lawa a kion, Dɛnaa Lawa lɛn nɛ: A zɔ́ɔn nə kɔnbɔ ka màn mɛn nɛ, a n bɛ lɛ koe ǹ la.

Ezekieli 8:6

Á wusoo á pɛ ma nɛ: «Nsɛ minbuiin a nɛ, ǹ bɛ́ dí mɛn nyɛɛ, n yii tá a ganaa? Izirayeli tɔrɔn lɛn man sii bɔbɔnɛɛ dadaran zɛnɛɛ kànaa, màn mɛn bɛ́ toɛ, masɛ soo man bɔ maa kion sonbore kɛ nɛ. N tá re sii bɔbɔnɛɛ dadara kɔsɔn dɔn dinin yii.»

Luku 11:40

Ka baãnaan kɛn! Lawa mɛn bɛ́ á màn dɔ̀ɔ̃ lɛ zɛnaa, a din bie a ná a gɔ́ɔ̃ lɛ dɔ zɛnaa wa?

Luku 11:50

Bɛ lɛ taman yii, ka Lawa a boo gii-dalin mɛnɛn tumaa dɛ, a kũ kanaa diɛ biikoo ganaa, bɛa dɔlɔ á die n boe pelo minin kɛn ganaa.

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»

Sii-nyaan 18:24

Dɔlɔ na á n bɔ Baabilonii ganaa, a giala mà ǹ nə́ Lawa a boo gii-dalin laanka a min sonboren dɛ walan. Min mɛnɛn bɛ́ ǹ nə ǹ dɛ tán la, a din kiwi kɛ lɛ a lɛa nɛ.