Izayii 26:20 - LAWA A BOO SONBORE

²⁰ Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

LAWA A BOO SONBORE 2011

²⁰ Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 26:20 ပူးပေါင်းရင်းမြစ်များ

Siin Giala 7:1

Dɛnaa tɔ́n pɛ Nowee ne kɛnɛn: «Wɔ goo lɛ nɛ, n din laanka n kion minin tumaa. A giala, n bɛ́ kanaa kun ka min mɛnɛn nɛ, n dinsɔɔ̃ n pepere, bɛa minin kɛn lɛn bii.

Siin Giala 7:16

A tɔrɔ tumaa, a sà laanka ǹ dan na á goã we, ka Lawa bɛ́ á goã á pɛ Nowee-n lɔn. Bɛ kio, Lawa goo lɛ a kiɛnlɛ tã Nowee lɛ.

Zɔbu 14:13

E, bɛ̀ ma n lɛ koe dinin n ma duru geren piɛ, n ma lɛ tã walan, yǎa n busii kɛ nyɛɛ, yǎa bɛ̀ n yiri gisĩ ma nɛ biikoo mɛn li.

Loen 143:9

Dɛnaa Lawa, ma kanbaa maa zɔ́ɔn kɛn ganaa. A giala, man má kaa n din yele.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Loen 27:5

A giala, bɛ̀ koe daa ǹ mɛn pinaa, a din nə ma duri a giã ǹ bǎã nɛ. A din nə n koe ma lɛ a kion kɛa dɔndɔɔn nɛ. A din nə ma koɛ kele lalan, sii kɔn ná a doe ma ganaa wa.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Loen 31:20

Sonbore, n bǐɛ̃-zɛnaa á gole á la yii ni. Min mɛnɛn bɛ́ nyɛ́ɛ biɛ n nɛ, ma n koɛ bɛn lɛn nɛ. Min mɛnɛn bɛ́ kiɛ n yele, ma n koe bɛn lɛn la, min tumaa yii ni.

Loen 32:7

N din nə ma duru ǹ bǎã lɛa ma zɔ́ɔn la, n din nə ma kanbiɛ fuu ganaa, n din nə toɛ ma á kirisibaa ǹ loe loe bǎã yii ni. Doa.

Loen 57:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 57:2

Makara bɔ ma ganaa, Lawa! Makara bɔ ma ganaa. A giala, man má n din lɛ bɔ duru ǹ bǎã lɛa. Ma nə n duri n din li, ka koon nɛ bɛ́ lɔn ǹ dan nyàa giulun, yǎa nɔmaa kɛ kiɛ̃.

Loen 91:1

Min mɛn a duru ǹ bǎã bɛ́ Lon a Lawa Gole li, a ń kiɛ Lawa Pàãyiidɛnaa yele,

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Loen 94:13

Asɛ n goɛ̃ susui la minin nɔmaa pinaa, bɛ á zɛnɛɛ, bɛ̀ min baraan man mɛnɛɛ koe ne, ǹ tá bɔ̀n biɛ.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Suusun 22:3

Bɛ̀ koe á die, yiridɛnaa nə n mìi duri. Yiriwɛɛnaa sɛ na a zii tɔ we yǎa sii yii.

Izayii 10:25

A giala, kànaa ka boɛɛn nɛ, maa foo-yoo baraa kɛ á re nyɛɛ. Sɛnɛ ma á re Asiirii minin kɛn ziziɛ̃ lenlen.»

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 13:5

Dɛnaa Lawa laanka min mɛnɛn bɛ́ re a foo-yoo kɛa dɔlɔ boe, maǹ boe bǎã sɔsɔɔ nɛ, tán lɛ dan ganaa. Maǹ die gána lɛ tumaa yui.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 51:16

Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

Izayii 51:4

Kasɛn maa zaman, ka n too kɔ ma lon! Kasɛn maa tɔrɔn lɛn, ka n too da! Ma din nə die dí-pɛn koe, ma bɛ́ re kiri mɛn kuri ka la, á re tɛ fúlu koe tɔrɔn la.

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Zeremii 31:14

Ma á re siĩ nyɔɔnaa gigiã koe Lawa a wúlu-bɔlen la, ma màn sonbore gigiã kɔ maa zaman la. Dɛnaa Lawa a da ǹ boo ne.

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Ezekieli 11:16

Bɛ lɛ taman yii, Dɛnaa Lawa mà ma kɛ pɛ ma nyaa goa wolen lɛn manɛ: Má woo ka nɛ tɔrɔ kɔsɔn bii sɔsɔɔ, má ka pɛsɛ̃ gána kɔsɔn nɛ, a laan bɛ yii ni, ma á kun ka nɛ walan, ka maa kion kɛ n kun ka ka nɛ.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Matiə 6:6

Bɛ̀ ka tá li ka Lawa nyankɔ, ka wɔ kaa kion, ka kiɛnlɛ tã ka dinin lɛ. Ka Di Lawa mɛn bɛ́ bɛa bǎã durii lɛ nɛ, ka bɛ lɛ nyankɔ walan, bɛ mɛn bɛ́ sii-duriin doɛ̃, a din lɛ n die ka sarɛɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.