Izayii 26:16 - LAWA A BOO SONBORE

¹⁶ Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

LAWA A BOO SONBORE 2011

¹⁶ Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Izayii 26:16 ပူးပေါင်းရင်းမြစ်များ

Loen 142:2

Ma nə n lɛ dii kɔsɛkɔsɛ, man lɛ diɛ Dɛnaa Lawa la. Ma nə n lɛ dii kɔsɛkɔsɛ, ma nə n lɛ dii Dɛnaa Lawa li.

Loen 27:8

Dɛnaa Lawa, n boo mɛn da, mà: «Ka ga ma li», man taasiɛ we bɛa boo lɛ ganaa. Dɛnaa Lawa, man giɛ n din li.

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 77:3

Bɛ̀ ma á nɔmaa gɔ́ɔ̃ nɛ, ma nə n yɔrɔ diɛ Dɛnaa la. Tèlò-n, ma nə n gɔnɔn diɛ a din la, ma a n susui wa, ma nə n piɛ̃ ka foo-wɔraa nɛ.

Loen 78:34

Bɛ̀ Lawa nə́ ǹ goon nyin bɔ ǹ mɛn pinaa, gialakunun kɛn man doe ǹ dinin ganaa, ǹ wusoo ǹ wo Lawa li.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Izayii 37:3

Ǹ nə́ pɛ Lawa a dia dí-a wole lɛ-n kɛnɛn: – Ezekiasi a boo á ke: «Pelo á lɛawaa kɛ n foo ziziɛ̃ ǹ lɛawaa lɛa. Dɔlɔ lɛawaa nɛ, sìi lɛawaa nɛ. Ká ǹ bɛ pii lɔn, nɛnyaan lɛ a yɛ dɔ, sɛnɛ, pàã ba ǹ dan lon á yii wa.

Zeremii 2:27

Nyín mɛn bɛ́ gɔn lɛa, ka ǹ pii bɛ nɛ: «Maa díi ni n ni!» Nyín mɛn bɛ́ kɔlɔ lɛa, ka n pii bɛ nɛ: «N din ni n ma da kanaa!» Màn mɛn tá-a ka n yɔrɔ dia masɛ la, ka nə n dɔ̀ɔ̃ we ma nɛ. Sɛnɛ, bɛ̀ koe ka yɛ lɔn gɔrɔ, ka ǹ pii ma-n kɛnɛn: «Yoo, n wɔ kirisibaa!»

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 29:12

Bɛ̀ kaa ma bíi we, bɛ̀ ka daa ma nyankɔ, ma á re n too koe ka lon.

Busii pɛ 2:19

Yoo, n nə n lɛ dɛ tèlò-n, kɔn gɔn lɛsi ǹ biikoo tumaa li. Ń gɔ́ɔ̃ toɛ̃ Dɛnaa Lawa yɔrɔ-a, ka mu bɛ́ baa sii lɔn. Ń nɛnyaanan kɛn giɛ̃ bòo gɔn ziin bɔ kɔn-a ǹ bǎã nɛ, n gɔnɔn dia lon Lawa la bɛn lɛa.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Minin nimi 21:7

Zaman lɛ tɔ́n daa dɔ Muizu li, ǹ nə́ pɛ nɛ: «Wɔsɛn nə́ sii baraa zɛnaa, a giala, wɔ boo da n laanka Dɛnaa Lawa ganaa. Dɛnaa Lawa nyankɔ, a miɛ̃n lɛn wɔlɔ lui wɔ ganaa.» Muizu Lawa nyankɔ zaman lɛ a lɛa.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.

Sii yɔrɔ-bɔlen 10:15

Izirayeli minin lɛn nə́ pɛ Dɛnaa Lawa nɛ: «Wɔsɛn nə́ sii babaraa zɛnaa. Sii mɛn tumaa bɛ́ kɔɔ̃nɛ n ganaa, bɛ zɛnaa wɔsɛn manɛ. Sɛnɛ, sabara baa, n wɔsɛn bɔ kɛ-n pelo.»

Samayeli1 1:15

«Haayii, maa dɛnaagiĩ, masɛ n lɔ lɛa, lɔ mɛn foo á ke ziziɛ̃ nɛ. Ma yɔ mi wa, ma yɔ kakaarɛ kɔn mi wa. Man má goã ǹ gɔ́ɔ̃ dinsɔɔ̃ pii Dɛnaa Lawa yɔrɔ-a.