Izayii 26:12 - LAWA A BOO SONBORE

¹² Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

LAWA A BOO SONBORE 2011

¹² Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 26:12 ပူးပေါင်းရင်းမြစ်များ

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 57:2

Makara bɔ ma ganaa, Lawa! Makara bɔ ma ganaa. A giala, man má n din lɛ bɔ duru ǹ bǎã lɛa. Ma nə n duri n din li, ka koon nɛ bɛ́ lɔn ǹ dan nyàa giulun, yǎa nɔmaa kɛ kiɛ̃.

Loen 57:3

Man lɛ diɛ Lon a Lawa Gole kɛ la, Lawa mɛn bɛ́ re sii tumaa zɛnɛɛ ma a lɛa.

Loen 68:28

Bɛnzamɛn tɔrɔ minin kɛn man kiɛ̃ nyɛɛnɛ, ǹ dinin lɛn manə ǹ ba tɛ wa. Bɛ kio, Zudaa tɔrɔ minin nyɛɛnaandɛnan, ka ǹ mɔnaa siĩnin kɛn nə́ ǹ ganaa, foɛ̃-n sɔnbɔraanɛ. Bɛ kio, Zabulɔn tɔrɔ minin kɛn nyɛɛnaandɛnan, ka Nɛfutalii tɔrɔ minin wɔn nɛ.

Loen 90:17

Dɛnaa Lawa, n die n barka da wɔ ganaa. N die n barka da wɔa nya ǹ dín ganaa, n nyan toa wɔa nya ǹ dí kooro baa wa.

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 27:5

Bɛ̀ min woo min nə́ n din sii wɔ masɛ gɔn, á re là nyantoro yii ma li. Sonbore, á re là nyantoro yii ma li.»

Izayii 29:23

A giala, ma bɛ́ re sii mɛn zɛnɛɛ ǹ bii, ǹ dinin laanka ǹ nɛnyaanan tá re bɛ yii. Ka bɛ-n kəni, ǹ tá re ma tɔ boe. Ǹ tá re doɛ̃ mà Zakɔba a Lawa kɛ á sonbore, ǹ tá re nyɛ́ɛ biɛ Izirayeli a Lawa kɛ yii ni.

Izayii 32:18

Dɛnaa Lawa a zaman tá re giɛ̃ là nyantoro bǎã nɛ, kionən ne, foo n doa nɛ ǹ ganaa, ka susu ǹ bǎã nɛ.

Izayii 57:10

Ma nə́ n tɔ wɔ á la yii ni, bɛ lɛ na á n nɔmaa. Sɛnɛ, n pɛ dɔn mà «kɛ là banban wa.» N pàã dii yɛ, n nə́ n nɔmaa lɛ sawaa nɛ.

Izayii 57:19

Ma á re foo kɔɔ̃nbaa ǹ loe we ǹ lɛ-n. Min mɛnɛn wɔlɔ bɛ́ sɔsɔɔ, ka min mɛnɛn wɔlɔ bɛ́ kunu foɛɛ̃ nɛ, yii-nyɛɛ n bɛn wɔ lɛa. Hiĩ, man die maa zaman lɛ kaka koe. Dɛnaa Lawa mà miɛ̃!

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Ezekieli 20:22

Sɛnɛ, má wusoo ka ma gɔn nɛ, ma din tɔ taman yii ma sii lɛ zɛnaa wa, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, ma tɔ nyan toa a ziziɛ̃ bɛn bii wa.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Minin nimi 6:26

Dɛnaa Lawa yii die a goã ka la, a là nyantoro kɔ ka la.»

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,