Izayii 26:10 - LAWA A BOO SONBORE

¹⁰ Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

LAWA A BOO SONBORE 2011

¹⁰ Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

Izayii 26:10 ပူးပေါင်းရင်းမြစ်များ

Kiin2 13:6

Sɛnɛ, Zeroboamu a kion minin nə goã ǹ nə́ Izirayeli minin kaa sii baraan mɛnɛn zɛnaa ganaa, Izirayeli minin lɛn nə n bɔ bɛn wɔlɔ li wa, ǹ gɔn na á goã tɔn paraa nɛ ǹ zɛnaa ganaa. Haalɛ dì Aseeraa ke, bɛ nyín na á goã bii-a lon Samarii kiwi.

Loen 106:43

Gunyin gigiã, Dɛnaa Lawa nə́ ǹ si bɛa siin kɛn la. Sɛnɛ, wɔ digolon lɛn dinin nə́ n too kaka kɔ, ǹ Lawa lɛ tii lɛ gɔ́ɔ̃ nɛ, ǹ nə́ woo nyɛɛnɛ ka ǹ sã nɛ.

Loen 143:10

Ma daraa n foo sii zɛnaa ganaa, a giala, n din nə maa Lawa lɛa. N yiri sonbore kɛ die a ma da zii pepere la.

Loen 69:27

A giala, mà n dɔlɔ bɔ min mɛn ganaa, maǹ fuu nyɛɛ bɛ nɛ. Maǹ màn diɛ n din a dɔlɔ bɔma-a wolen kɛn nɔmaa li.

Bɔ bɛ̀rɛbaa nɛ 8:15

Kɔ́lɔnbaalin lɛn nə́ pɛ Faarahɔn nɛ: «Lawa a dí n ka kɛ nɛ.» Sɛnɛ, Faarahɔn too goã a kakabaa gɔ́ɔ̃ nɛ. A n too kɔ Muizu laanka Aarɔn lon wa, ka Dɛnaa bɛ́ á goã á pɛ lɔn.

Bɔ bɛ̀rɛbaa nɛ 9:30

Sɛnɛ, ma á doɛ̃, máa n laanka n kiodɛnan nɛ, máa ka tɔn nyɛ́ɛ baa Dɛnaa Lawa-n bɔrɔ wa.»

Bɔ bɛ̀rɛbaa nɛ 9:34

Faarahɔn bɛ́ á yɛ mà la lɛ golee, ka la a paraa nɛ ka la gii kɛ dɔ nɛ, a laanka a kiodɛnan nə́ n too kaka kɔ doo, á wusoo á baraa zɛnaa.

Suusun 1:32

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃.

Boo-laakalaali 3:16

Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

Boo-laakalaali 8:11

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 2:10

Ka n duru gɛ̀fun bii, ka wɔ tii li, ń giɛ Dɛnaa Lawa a foo yoo ka a gugurubaa a tɛ pɛ kɛ nyan dɔ ka-a wa!

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 32:6

A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Izayii 5:12

Maǹ yɔ mii kɔnkoɛ̃nɛn wuu li, tùtu ni, maà nɛ ka pìi ni. Sɛnɛ, ǹ ba doɛ̃ mà Dɛnaa Lawa á sii zɛnɛɛ wa, a bɛ́ sii mɛn yɔrɔ boe, ǹ yii ba bɛ ganaa wa.

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 13:6

N dɔ buu sɔ̃ ǹ bǎã-n lɔn gɔrɔ, n bòo nya. N bɛ́ n kã, n nə́ n din gole kɔ. Bɛ lɛ nɛ n yiri bɔ ka ma nɛ.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Misee 2:10

Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

Matiə 4:5

Bɛ kio, Sɛtaan nə́ woo ne Lawa a kion mìi ni Zeruzalɛmu kiwi sonbore kɛ nɛ,

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Sii-nyaan 2:21

Má biikoo kɔ la máa a wusoo a sii baraan kio, sɛnɛ, a lɛ koe a tá a kɔrɔbaa ǹ siin lɛn kiɛ wa.

Samayeli1 15:17

Yǎa Samayeli tɔn nə n toa: – A laanɛ n mìi goã kiɛɛrɛ n din yii li, n bie ke Izirayeli tɔrɔn lɛn mìi la wa? Dɛnaa Lawa na á n bɔ á n koa Izirayeli a kii lɛa.