Izayii 26:1 - LAWA A BOO SONBORE

¹ Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

LAWA A BOO SONBORE 2011

¹ Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 26:1 ပူးပေါင်းရင်းမြစ်များ

Ɛsidrasi 3:11

Ǹ bɛ́ Dɛnaa Lawa guguru kɔ ǹ loen laanka barka da Dɛnaa Lawa nɛ ǹ loen loe, maǹ nə́ goã siɛ loe-n kun kɛnɛn: «Lawa a siĩni, a kɔn narɛ ba nyɛɛ duduu Izirayeli wɔ paǹ li wa.» Zaman lɛ tumaa goã n lɛ wurii, bɛ̀ ǹ tá Dɛnaa lawa guguru koe, a kion lɛ gòã daa taman yii.

Loen 31:21

N din nə bɛn duri n bǎã-durii kɛ nɛ, ǹ wɔlɔ n lui ni, minbuiinin sii tì zɛnaa ganaa. N din nə ǹ tamaɛ, n tá ǹ kanbiɛ lɛwɔn babaraan kɛn ganaa.

Loen 48:12

Siɔn kele kɛ nə n nyɛnyɛɛ, Zudaa a kiwin kɛn foo n kɔɔ̃nɛ, n kiri kuriin lɛn taman yii.

Loen 48:4

Lawa din nə Siɔn lɛduə̃ ǹ bǎãn kɛn nɛ, a din nə tamaɛ ka pàã gole ne.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:20

Bɛa pinaa kɛ nɛ, minin nə sana hinlaa wɔrɔ dì nyínin mɛnɛn zɛnaa ǹ nə́ n musin koa tán-a ǹ giulun, ǹ tá re bɛn zuĩ kɛ́nɛn laanka kion fònon giulun.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 31:5

Ka bàan bɛ́ n nyàa nyoɛ̃ a nɛnyaanan la lɔn, Dɛnaa Lawa Pàãyiidɛnaa n die Zeruzalɛmu tamɛɛ miɛ̃. Á re a zia gii diɛ, a na a kanbaa. Á re tamɛɛ, a na a kirisibaa.

Izayii 31:9

Ǹ kii gɔ̀nɔn tá re bìn diɛ nyɛ́ɛ gɔn a baa si. Ǹ kiãn foo á re ziziɛ̃, ǹ nə ǹ zanzan daa, Dɛnaa Lawa a da ǹ boo ne, asɛ mɛn a tɛ buə̃ bɛ́ Siɔn, a tɛ koa-n Zeruzalɛmu.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 5:1

Ka toa ma loe goon lɔ maa giaára giĩ wɔ lɛa. A n maa giaára giĩ lɛ wɔ lɛa ka a rezɛ̃ wuru ni. Maa giaára giĩ a rezɛ̃ wuru lɛ n tenten la, bǎã sonbore ne.

Izayii 56:5

á bǐɛ̃ kɔ, maa kion lɛ gɔ́ɔ̃ nɛ, ka a kigiala gɔ̀nɔn ganaa nɛ, ma á re bǎã koe ǹ la ka tɔ dɔ nɛ. Bɛ là á re yii ǹ ganaa, a la nɛgiĩn laanka nɛlɔn manɛ. Ma bɛ́ re tɔ mɛn koe ǹ la, bɛ n die goɛ̃ yǎa duduu, a ná a ba n tuturi wa.»

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Ezekieli 40:5

Ma màn mɛn yɛ, bɛ á ke: kungɔn goon na á goã Lawa a kion lɛ lɛnpɛnɛ. Màn zɔɔ̃ ǹ bàlà na á goã giĩ lɛ gɔn, a sasabaa dɔ gùrù yii sɔrɔ. Gùrù yii goon nə́ dɔ santimɛtərə posooro. Á kungɔn lɛ a didimibaa zɔɔ̃, bɛ na á goã bàlà yii goon. Á ná a là a wo lon zɔɔ̃, bɛ dɔ na á goã bàlà yii goon.

Zakarii 2:5

Sii nyaa gɔ́ɔ̃ nɛ, masɛ Zakarii, má n yii saa lon, ma sii mɛn yɛ, á ke: Giĩ goon ne, ka màn zɔ́ɔ̃ ǹ biɛ ná a gɔn.

Zakarii 2:9

Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Minin nimi 21:17

Izirayeli minin lɛn nə́ tɔ́n loe kɛ lɔ: «Mu bɔ, tù! Ka a para pɛ!

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.