Izayii 25:3 - LAWA A BOO SONBORE

³ Bɛ lɛ nɛ, tɔrɔ barkadɛnaa kɛ á gugurubaa diɛ n la, tɔrɔ kakarɛn kiwi tá nyɛ́ɛ biɛ n yii ni

LAWA A BOO SONBORE 2011

³ Bɛ lɛ nɛ, tɔrɔ barkadɛnaa kɛ á gugurubaa diɛ n la, tɔrɔ kakarɛn kiwi tá nyɛ́ɛ biɛ n yii ni

Izayii 25:3 ပူးပေါင်းရင်းမြစ်များ

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Izayii 29:5

N zɔ́ɔ damatan kɛn tá re n biɛ ka gusuũ bɛ́ lɔn. Zaman mɛn bɛ n yɔyɔrɛ, bɛn tá re n biɛ ka làpaa bɛ́ lɔn, piɛ̃ n goɛ. Sɛnɛ, bǎã goon ne,

Ezekieli 38:23

Ma á re ma din a golebaa laanka ma din a Lawabaa kɛ nyɛɛ tɔrɔ kɔsɔn tumaa nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Misee 7:17

Ǹ tá re tii piɛ̃ ka miɛ̃ wɔ bɛ́ lɔn, màn nɔ̀ giɛɛraa tán wolen kɛn wɔbaa nɛ. Nyɛ́ɛ á die ǹ kuĩ, ǹ tá re nyɛ́ɛ biɛ n nɛ. Dɛnaa Lawa, wɔa Lawa, ǹ tá re soe ǹ duru ǹ bǎãn nɛ, bɛ̀ ǹ da n li, ǹ gɔ̀nɔn nə́ bìn diɛ.

Zakarii 14:16

Bɛa waáraa kəni, tɔrɔn mɛnɛn nə zia da Zeruzalɛmu ganaa, bɛn min mɛnɛn yii bɛ́ tɔn koo, lɛ̀ woo lɛ̀, ǹ tá re woe Zeruzalɛmu kiwi, ǹ kaa tán a kii, Dɛnaa Lawa Pàãyiidɛnaa giulun ǹ *giã siã giulun zɔ́n zɛnaa.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.