Izayii 25:12 - LAWA A BOO SONBORE

¹² Moabu, n kungɔn kakan kɛn n tamaɛ taãn-taãnɛ, Dɛnaa Lawa nə ǹ wuru, á ǹ nyɛɛnaa á ǹ kaa.

LAWA A BOO SONBORE 2011

¹² Moabu, n kungɔn kakan kɛn n tamaɛ taãn-taãnɛ, Dɛnaa Lawa nə ǹ wuru, á ǹ nyɛɛnaa á ǹ kaa.

Izayii 25:12 ပူးပေါင်းရင်းမြစ်များ

Izayii 14:23

«Baabilonii á re kɔlɔn giã ǹ bǎã biɛ. Á re bɛrɛɛ bǎã biɛ. Man die ziziɛ̃ lenlen ka ǹ bɛ́ wɔlɔ wɔrɛɛ lɔn.» Dɛnaa Lawa a da ǹ boo ne.

Izayii 15:1

Moabu minin boo gii: Tèlò goon ne, Aara-Moabu gána kɛ bɔ̀n baa. Tèlò goon toto ne, á papaã. Tèlò goon ne, Kiiri-Moabu gána kɛ bɔ̀n baa. Tèlò goon toto ne, á papaã.

Izayii 2:15

Á re yui sanabolo sɔsɔrɔn kɛn gialaa, ka kungɔn didimin kɛn nɛ.

Izayii 25:2

Ń kiwi lɛ baa kɛbɔlɔ lɛa, bɛa kiwi tamaa wole lɛ, ń wuru lenlen. Tiin kiwi tamaa wole lɛ, bɛa kiwi biɛ doo wa. A re wusii a n dɔ doo duduu wa.

Izayii 26:5

Min mɛnɛn bɛ́ giã-n kele mìin ni a n bɛn boe ǹ kiɛ. Kiwi mɛn bɛ́ tamaa nɛ, a n bɛ ziziɛ̃. An noɛ̃ á zũ tán furu-n, a zũ gusuũ li.

Zeremii 48:1

Moabu minin paǹ li: – Dɛnaa Lawa Pàãyiidɛnaa, Izirayeli a Lawa n kɛ pii: Wàa koe n ka kɛ nɛ Neboo kiwi ganaa: ǹ nə́ ziziɛ̃! Wàa sìi n ka kɛ nɛ Kiritayimu kiwi ganaa: ǹ nə́ yɔyɔrɛ! Kiwi ke tamaa-n sɔnbɔraa nɛ, sìi laanka nyɛ́ɛ gole nə́ n kɔ lɛ!

Zeremii 51:58

Dɛnaa Lawa Pàãyiidɛnaa n kɛ pii: Kungɔn dadaran mɛnɛn bɛ́ Baabilonii lɛnpɛnɛ, bɛn tumaa ziziɛ̃. Tɛ á re kiɛnlɛ sɔsɔrɔn kɛn kuĩ. Tɔrɔn manə n dinin nɔmɛɛ kooro, gánan man dí nyɛɛ tɛ nɛ!

Zeremii 51:64

A pɛ: «Baabilonii n die papaɛ̃ kɛa yɔrɔ kɛ lɛ la. Dɛnaa Lawa bɛ́ re koen mɛnɛn diɛ la, a re yui bɛ kɔn kio doo wa.» «Zaman lɛ á re papaɛ̃.» Zeremii a boon manə n lɛ doɛ kànaa.

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Ezekieli 28:17

Ma n nə́ n din gole kɔ n siĩnbaa kɛ taman yii, Ń toa n siĩnbaa lɛ nə́ n sii-doɛ̃ kɛ ziziɛ̃, man die n lui ma n dia tán, man die sìi diɛ n ganaa, n miã kiin yɔrɔ-a.

Ebrəə 11:30

Golee Lawa li na á toa, Izirayeli minin bɛ́ ǹ nə́ Zerikoo kiwi lɛnpɛnɛ lɛawaa sɔbaa gɔ́ɔ̃ nɛ, a kungɔnɔn nə́ kaa.

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.