Izayii 25:10 - LAWA A BOO SONBORE

¹⁰ Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

LAWA A BOO SONBORE 2011

¹⁰ Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

Izayii 25:10 ပူးပေါင်းရင်းမြစ်များ

Loen 83:10

Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.

Izayii 10:31

Madmenaa minin manə n mìi foɛ̃. Gebimu wɔ́n man giɛ duru ǹ bǎã li.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 14:19

Sɛnɛ, nsɛ, ǹ nə́ n zũ tán kànaa, sɔsɔɔ n yala ganaa, ka nɛnyaan mɛn nə́ ke á yɛ gere lɛa, nyɛ́ɛ diɛ, ka gere mɛn nə́ ke, ǹ nə́ yɔyɔrɛ. Ǹ min mɛnɛn fɔ̃ ka gɔya nɛ, ǹ nə́ ǹ geren kaa kɔlɔn lalan yala gole kɛ nɛ, bɛn man koe ne n gere lɛ.

Izayii 16:14

Sisia, Dɛnaa Lawa n kɛ pii: «Kànaa ka lɛ̀ sɔɔ ka te, Moabu gána a min dadaran laanka a zaman damata kɛ a re màn kɔn biɛ doo wa. Min mɛnɛn yii bɛ́ re goɛ̃ koo, bɛn ba re tɛ koe wa. Ǹ ba màn lɛa wa, ǹ ba re màn kɔn dɔ biɛ wa.»

Izayii 16:6

Zudaa minin man pii: Wɔ́ Moabu a din gole kɔ boo ma, a din koa nɛ, a din narɛɛ nɛ, a yiri koa ma din-a nɛ. A bɛ́ boo mɛn yii diɛ, boo fofolo ne.

Izayii 18:4

A giala, Dɛnaa Lawa pɛ ma-n kɛnɛn. Ma bɛ́ giã-n bǎã mɛn nɛ, man zoɛ̃ li ma giã kiĩni, ka kaa-piɛ waáraa labara bɛ́ lɔn. Man zoɛ̃ li ma ga gongon, ka sɛ̀fuu waáraa a wasa bɛ́ lɔn.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 26:6

Ǹ tá re tɔrɛ la, doobaan tá re tɔ we la, din boɛɛn kɔ wolen tá re yɔyɔrɛ ǹ gòãn giulun.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Zeremii 48:1

Moabu minin paǹ li: – Dɛnaa Lawa Pàãyiidɛnaa, Izirayeli a Lawa n kɛ pii: Wàa koe n ka kɛ nɛ Neboo kiwi ganaa: ǹ nə́ ziziɛ̃! Wàa sìi n ka kɛ nɛ Kiritayimu kiwi ganaa: ǹ nə́ yɔyɔrɛ! Kiwi ke tamaa-n sɔnbɔraa nɛ, sìi laanka nyɛ́ɛ gole nə́ n kɔ lɛ!

Zeremii 48:2

Màn mɛn bɛ́ Moabu diɛ din koa ganaa, bɛ́ papaã. Minin man koe yɔrɔ boe Ɛsibɔn ganaa, ǹ nə́ pii: «Ka daa wɔ kiwi kɛ yu, wɔ bɔ tɔrɔn bii!» Nsɛ dɔ Madmɛn, ǹ tá re n diɛ lɛ tã ganaa, ǹ tá re n bɔ̀n biɛ ka zia nɛ.

Busii pɛ 1:15

Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

Ezekieli 25:8

Masɛ Dɛnaa Lawa gole a da ǹ boo á ke: Moabu minin laanka Seyiiri minin man pii: «Zudaa minin dɔn nə́ ke, ǹ nə́ n baa ka tɔrɔ kɔsɔn kɛn tumaa bɛ́ lɔn.»

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Minin nimi 24:17

Sii mɛn bɛ́ die, ma yii tá-a, sɛnɛ, pelo sii bie wa. Sii mɛn bɛ́ re n zɛnɛɛ, má n yiin doa la, sɛnɛ, a ba foɛɛ̃n wa. Leere á re boe Zakɔba tɔrɔn bii, kii á re yui tán Izirayeli minin bii, a n die Moabu gána minin para giala wurii, a Sɛɛti tɔrɔn tumaa dɛ.