Izayii 25:1 - LAWA A BOO SONBORE

¹ Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

LAWA A BOO SONBORE 2011

¹ Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 25:1 ပူးပေါင်းရင်းမြစ်များ

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loen 118:28

N din nə maa Lawa lɛa. Man barka diɛ n din ni. N din nə maa Lawa lɛa. Ma nə n din guguru koe.

Loen 145:1

Davida a Lawa tɔ bɔ ǹ loe n ke. Maa Lawa, n din nə maa kii lɛa. Man die n din guguru koe, man die barka diɛ n din ni miɛ̃ duduu.

Loen 146:2

Maa yiikoonaabaa tumaa gɔ́ɔ̃ nɛ, ma tá li ma Dɛnaa Lawa tɔ bɔ. Bɛ̀ ma yii á koo, man die loe loe, ma maa Lawa tɔ bɔ nɛ.

Loen 31:15

Sɛnɛ, masɛ nə n foo doɛ n din ganaa, Dɛnaa Lawa. Má pɛ: máa maa Lawa n ka n din ni.

Loen 40:5

Min mɛn bɛ́ á n foo doa Dɛnaa Lawa ganaa, Lawa á re barka diɛ bɛa dɛnaa ganaa. A koa kun ka din gole-kɔlen ne wa, a n saa ǹ soɛ boon li wa.

Loen 40:6

Dɛnaa Lawa, maa Lawa, n siin mɛnɛn yɔrɔ bɔ wɔa lɛa, ń kaãbaa ǹ siin zɛnaa, ǹ tá dadara. N miã din banban. Man li ma bɛ lɛ pɛ, ma timəə la, sɛnɛ, ǹ bɛ́ ǹ nə́ mɔnaa ǹ nə́ la yii ni.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 75:2

Wɔ n barka diɛ n nɛ, Lawa, wɔ n barka diɛ n nɛ, a giala n wɔlɔ á kunu wɔ ganaa. Wɔ nə n kaãbaa da ǹ siin kɛn laakalɛɛ.

Loen 78:4

wɔ a re bɛ duri wɔ tɔrɔn la wa. Siin mɛnɛn bɛ́ Dɛnaa Lawa tɔ boe, a Pàãyiidɛnaabaa gɔ́ɔ̃ nɛ, a kaãbaa ǹ siin mɛnɛn zɛnaa, wɔ á re bɛn pii kiodɛnan manɛ.

Loen 89:1

Gùligiĩ Etan a loe mɛn bɛ́ daraa koe.

Loen 98:1

Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

Loen 99:5

Ka wɔsɛn Dɛnaa Lawa kɛ a golebaa pɛ, ka kaa tán, a gòãn kaa ǹ yoron kɛ li. Sonbore, Dɛnaa Lawa lɛ á siĩni.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Izayii 11:5

A n die n binbin kuĩ ka peperebaa nɛ a n binbin yii ka bɔlɔgoondɛnaabaa nɛ.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 26:13

Dɛnaa Lawa, wɔa Lawa, mìinaa kɔsɔn nə́ goã wɔ mìi la. Sɛnɛ, wɔ nə n dinsɔɔ̃ guguru koe.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 28:29

Bɛa dí nya ǹ gɔn kɛ dɔ n boe Dɛnaa Lawa Pàãyiidɛnaa li. Yiri kɔ wole sonbore ne, a dí-doɛ̃ á gole.

Izayii 40:27

Izirayeli, wàa na á baa n tá boo diɛ, Zakɔba wàa na á baa n tá gungunun sii, n nə́ pii: «Maa biɛ̃ ǹ ke, Dɛnaa Lawa yii ba bɛ ganaa wa. Ma kɔnbɔ ka sii mɛn nɛ, maa Lawa yii ba bɛ ganaa wa.»

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Izayii 46:11

Man giĩ goon bíi we tiãlɛa, sɔsɔɔ, lɛ̀giala-n. Pàã ná a lon ka giogialatã-a bɛ́ lɔn. Ma siin mɛnɛn koa ma yɔrɔ-a, a din nə die bɛn zɛnɛɛ. Ma boo mɛn da, man bɛ zɛnɛɛ. Ma sii mɛn koa ma yɔrɔ-a, man bɛ zɛnɛɛ.

Izayii 49:4

Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 7:13

Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa?

Zowɛli 2:26

Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 7:12

Ǹ nə́ goã pii: «Taarɛ! A n miɛ̃! Tɔ-bɔ nɛ, ka guguru-kɔ nɛ, sii-doɛ̃ nɛ, ka bǐɛ̃-doɛ̃ nɛ, tɔ gole kɔ nɛ, pàãdɛnaabaa nɛ, ka kakabaa nɛ, bɛn man wɔa Lawa wɔn lɛa baraabaraa yǎa duduu! A n miɛ̃.»