Izayii 24:18 - LAWA A BOO SONBORE

¹⁸ Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

LAWA A BOO SONBORE 2011

¹⁸ Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Izayii 24:18 ပူးပေါင်းရင်းမြစ်များ

Siin Giala 19:24

Bɛa biikoo li, Dɛnaa kiribi tɛdɛnaa kaa Sodɔmu kiwi laanka Gomɔɔrɔ kiwi la, ka la bɛ́ kiɛ lɔn. Bɛ na á goã boe Dɛnaa din li lon.

Siin Giala 7:11

Nowee a yɛ lɛ̀ biɛsɔrɔ, mui paabaa ǹ wɔ a lɛawaa fulusɔbaabaa ǹ wɔ pinaa, tán giulun mu gole nə́ n da wɔlɔ la, lon a mu dɔǹɔn nə́ n bũ dadara bɛ lɛ a pinaa.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Zɔbu 20:24

Ǹ zia da ǹ màn mɛn zɛnaa ka fɔlɔ nɛ, bɛ̀ a tá baa sii bɛ nyɛɛnɛ, ǹ kiɛ mɛn zɛnaa ka zan nɛ, bɛ á re foɛ̃.

Loen 18:15

Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Loen 18:7

Maa fuu lɛ gɔ́ɔ̃ nɛ, má lɛ dia Dɛnaa Lawa la, má n lɛ dɛ maa Lawa lɛ ganaa. Á n toa a bǎã sonbore kɛ nɛ, á ma lɛ ma. Ma lɛ-dɛ mɛn wɔ, á kaa a too ne.

Loen 18:8

Bɛa biikoo li, tán bìn da, a giala bɔyaa. Kelen dɔn nə́ bìn da tán. Maǹ nə́ bìn da, a giala Dɛnaa Lawa foo na á yoo.

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Izayii 13:13

Bɛ lɛ nɛ, Dɛnaa Lawa Pàãyiidɛnaa a foo-yoo kɛa pinaa, a foo-yoo gole kɛa pinaa, lon laanka tán tá re bìn diɛ.

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 42:22

Sɛnɛ, á ke, ǹ nə́ ka kokoo, ǹ nə́ màn tumaa sii ka la. Ka tumaa lɛ tiɛ̃maa-n nyankɔrɔ zuzulu ni, ka n durii-n kòso ne. Kaa zɔ́ɔn nə́ ka kokoo ka ǹ bɛ́ naforo goɛ zia la lɔn. Min kɔn dɔ da n dɔ ka lɛ wa. Ǹ nə́ màn tumaa si ka la, min kɔn dɔ pɛ mà ǹ ka toa walan wa.

Izayii 8:14

Dɛnaa Lawa n duru ǹ bǎã lɛa, a n kɔlɔ lɛa Izirayeli gána màn paa kɛ nə n gòã niɛ̃ a ganaa, a n minin boe ǹ daɛ. A n die kan biɛ Zeruzalɛmu minin ganaa.

Zeremii 48:43

Nyɛ́ɛ nɛ, nyankɔrɔ zuzulu ni ka kanan nɛ, bɛn tumaa n kasɛn wɔ lɛa Moabu minin lɛn. Dɛnaa Lawa a da ǹ boo ne.

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Busii pɛ 3:47

Nyɛ́ɛ laanka gɔ̀nɔn bìn diɛ nɛ, bɛn man wɔ yii, kɔnlɛ ka basaã nɛ ka koe ne.

Ezekieli 11:8

Táa ka n nyɛ́ɛ biɛ zia nɛ? A bɛ́ miɛ̃ masɛ á re zia diɛ ka la. Ma din Dɛnaa Lawa a da ǹ boo ne.

Ezekieli 12:13

Sɛnɛ, masɛ Lawa á re kan koɛ nɛ a kũ. Ma á re woe ne *Baabilonii, Kalde gána nɛ. Á re giɛ̃ walan, a yii ná a re gána lɛ yii wa.

Ezekieli 15:7

Man die n yɔrɔ bɔyɛɛ ma da ǹ la. Maǹ nə́ soo tɛ-n, sɛnɛ, tɛ á re wusii a ǹ kũ. Bɛ̀ má n yɔrɔ bɔyaa má da ǹ la ǹ mɛn waáraa, ka á re doɛ̃ kəni, mà ma din nə Dɛnaa Lawa lɛa.

Amɔɔsi 5:18

Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.