Izayii 24:14 - LAWA A BOO SONBORE

¹⁴ Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

LAWA A BOO SONBORE 2011

¹⁴ Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

Izayii 24:14 ပူးပေါင်းရင်းမြစ်များ

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 27:2

Bɛa pinaa, ka loe lɔ duvɛ̃ kɔɔ̃n *rezɛ̃ da wuru kɛ wɔ lɛa.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 54:1

Zeruzalɛmu, n nyɛnyɛɛ, nsɛ mɛn bɛ́ nɛ goã n lon wa! Nsɛ mɛn bɛ́ n ba nɛ yɛ lɛ doɛ̃ wa, gɔ̀lɔ̀baa ǹ lɛ-dɛ wɔ, n foo kɔɔ̃nbaa ǹ lɛ-dɛ wɔ! Dɛnaa Lawa n pii n ni: Nsɛ mɛn bɛ́ ǹ nə́ n la bɔ n ganaa, n tá re nɛ gigiã yii a la lɔ mɛn din bɛ́ ǹ zuũ ná a tan.

Izayii 60:5

Bɛ̀ n nə́ ǹ yɛ, foo kɔɔ̃nbaa taman yii, n yɔrɔ á re tɛ pii, n nə n nyɛnyɛɛ, a giala yìsi mu la ǹ goon naforon tá re die n li. Tɔrɔ kɔsɔn gɔn mànan tá re n wɔ biɛ.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 51:10

Dɛnaa Lawa sonbore kɔ wɔ la. Ka wɔ n ta *Siɔn, Dɛnaa Lawa, wɔa Lawa sii mɛn zɛnaa wɔ nɛ, wɔ a laakalaa.

Zakarii 2:10

Dɛnaa Lawa pɛ: «Haya, ka baa si, ka baa si. Ka soo ka n bɔ gɔsɛ a lɛ̀gɔn la gána kɛ nɛ, Dɛnaa Lawa a da ǹ boo ne. Kasɛn manɛ má ka pɛsɛ̃ kanaa gùrù sii tumaa ganaa. Dɛnaa Lawa a da ǹ boo ne.