Izayii 24:10 - LAWA A BOO SONBORE

¹⁰ Kiwi gɔ́ɔ̃ kooro-a lɛ kaa. Kionən tumaa lɛ tiɛ̃maa nɛ. Min kɔn ba boe la á we doo wa.

LAWA A BOO SONBORE 2011

¹⁰ Kiwi gɔ́ɔ̃ kooro-a lɛ kaa. Kionən tumaa lɛ tiɛ̃maa nɛ. Min kɔn ba boe la á we doo wa.

Izayii 24:10 ပူးပေါင်းရင်းမြစ်များ

Siin Giala 11:9

Bɛ lɛ nɛ, ǹ nə́ bɛa kiwi lɛ tɔ kɔ mà Baabeli (bɛ giala mà "Lɔlɔkɔn"), a giala, Dɛnaa na á kanaa minin tumaa bɔlɔ lɔlɔkɔn walan, á ǹ sasawaa kɔn á ǹ bɔ walan, ǹ nə́ woo kanaa paǹ tumaa nɛ.

Kiin2 25:4

ǹ nə́ yala bɔ kiwi lɛ a kungɔn ganaa. Zia-baalin lɛn tumaa baa si tèlò basa li, kiɛnlɛ ke kungɔn màn paa lɛ biin ni, kunu kii a dù gɔrɔ kɛ li, ǹ nə́ bɔ bɛ nɛ. A laanɛ, Kalde minin nə́ goã ǹ nə́ kiwi lɛ da bii, nyankɔrɔ lɛ ke ǹ nə́ bíi Arabaa, ǹ nə́ bɛa zii kɛ saa ǹ nə́ woo.

Izayii 23:1

Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

Izayii 24:12

Kiwi gɔ́ɔ̃ nɛ, kɛbɔlɔ dinsɔɔ̃ nɛ. A kiɛnlɛ ziziɛ̃, á kaa.

Izayii 25:2

Ń kiwi lɛ baa kɛbɔlɔ lɛa, bɛa kiwi tamaa wole lɛ, ń wuru lenlen. Tiin kiwi tamaa wole lɛ, bɛa kiwi biɛ doo wa. A re wusii a n dɔ doo duduu wa.

Izayii 26:5

Min mɛnɛn bɛ́ giã-n kele mìin ni a n bɛn boe ǹ kiɛ. Kiwi mɛn bɛ́ tamaa nɛ, a n bɛ ziziɛ̃. An noɛ̃ á zũ tán furu-n, a zũ gusuũ li.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 32:14

A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Izayii 32:19

La gii n die kiɛ daã lɛ la, kiwi lɛ á re wurii.

Izayii 34:11

Kɔlɔn laanka bàanan tá re giɛ̃ a nɛ. Á re kɔlɔ kuunun laanka zankoon giã ǹ bǎã biɛ. Dɛnaa Lawa á re gána lɛ bɔ̀n biɛ. A n die goɛ̃ ka wɔlɔ kooro á ke á goã lɔn, bɛ̀ tán ná a tɔn nə n zɛnaa wa.

Zeremii 39:4

Zudaan kii Sedekiasi laanka a sɔraasin bɛ́ ǹ nə́ ǹ yɛ lɔn, ǹ nə́ baa si tèlò basa li ǹ nə́ soo kiwi lɛ nɛ, ǹ nə́ bɔ kii a dù gɔrɔ kɛ nɛ, ǹ nə́ woo soo kiɛnlɛ kɛ nɛ kungɔn màn paa bii n ni. Ǹ nə́ Arabaa zii saa.

Zeremii 39:8

Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.

Zeremii 52:7

Ǹ nə́ yala bɔ kiwi tama a ǹ kungɔn kɛ ganaa, kiwi lɛ lɛnpɛnɛ. Tèlò-n, Zudaa a sɔraasin tumaa baa si. Ǹ nə́ bɔ ka kiɛnlɛ kɛ nɛ kungɔn màn paa kɛ bii n ni, dia-n woe kii a dù gɔrɔ la. Baabilonii minin nə́ Zeruzalɛmu lɛnpɛnɛ. A laan bɛ yii ni, ǹ nə́ bɔ ka Arabaa zii kɛ nɛ.

Misee 2:13

Min mɛn lɛ bɛ́ zii buĩ ǹ ni, bɛ lɛ n woe ǹ nyɛɛnɛ. A zii mɛn bũ ǹ ni, ǹ nə́ bɔ ka bɛ nɛ, ǹ nə́ soo. Ǹ kii lɛ mɛ ǹ nyɛɛnɛ, Dɛnaa Lawa mɛ ǹ nyɛɛnɛ.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Luku 19:43

A giala lɛawaan tá re die, n zɔ́ɔn tá re n lɛnpɛnɛ, ǹ nə n yɔrɔ bɔ taãn-taãnɛ, ǹ nə n lɛ gɛwaa n paǹ din tumaa ganaa.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.