Izayii 23:9 - LAWA A BOO SONBORE

⁹ Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

LAWA A BOO SONBORE 2011

⁹ Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 23:9 ပူးပေါင်းရင်းမြစ်များ

Zɔbu 12:21

A n tɔ goledɛnaa puusə koe, a n min kakan maabɛlɛ niɛ̃ a bɔ ǹ bɔsɔ̃-n.

Loen 107:40

A din nə barka boe pàãman kɛn nɛ, á toɛ ǹ nə́ n bibiĩ don sa bii, zii ná a banban ǹ tá koe lɛ wa.

Bɔ bɛ̀rɛbaa nɛ 8:4

*Faarahɔn lɛ dia Muizu laanka Aarɔn la, á pɛ: «Ka Dɛnaa lɛ nyankɔ, a sɔmɔnɔn kɛn wɔlɔ lui, á ǹ bɔ ma laanka maa gána minin ganaa, ma á re toɛ zaman lɛ soo a wo *wúlu màn bɔ a kɔ Dɛnaa la.»

Izayii 10:33

Á ke, Dɛnaa Lawa Pàãyiidɛnaa n da gùrùn yiyiɛ ka pàã nɛ, a n da lɛwɔnɔn yiyiɛ, a n da sɔsɔrɔn woɛ̃ ǹ naɛ tán.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 14:24

Dɛnaa Lawa Pàãyiidɛnaa liɛ wɔ á pɛ: «Ma boo mɛn da, bɛ lɛ n die n zɛnɛɛ, ma màn mɛn yɔrɔ bɔ, bɛ lɛ n die giala yii!

Izayii 14:26

Kɛ n gɔn waa ǹ boo lɛa kanaa tumaa wɔ lɛa, a gɔn munii n lon, tɔrɔn tumaa wɔ lɛa.

Izayii 14:27

Bɛ̀ Dɛnaa Lawa Pàãyiidɛnaa golee sii li, die n boe la a kurəə a zɛnaa ganaa? Bɛ̀ á n gɔn munii saa lon, die n boe la a gisĩ?

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 23:10

Tiiri, tán kɔsɔ ka Niili tà lɛ-a minin bɛ́ lɔn, a giala, bǎã sɔsɔɔ zii tɔ wɔ mu la ǹ goon golee ǹ bǎã banban doo wa.

Izayii 32:13

Ka wuu pɛ maa zaman a tán la, ǹ mɛn bɛ́ nyan da si á n kɔ lɛ. Ka wuu pɛ kiwi zɔ́n-zɛnaali kɛa kionən la, foo kɔɔ̃n bɛ́ ǹ mɛnɛn nɛ.

Izayii 5:13

Bɛ lɛ nɛ, Dɛnaa Lawa á kɛ pii: «Ǹ tá re maa zaman goɛ, ǹ wo ne bɛ̀rɛbaa ǹ bǎã nɛ, a giala, ǹ ba màn kɔn giala miɛ wa. Bòo tá re ǹ min dadaran dii, mu boro nə ǹ zaman dɛ.»

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Zeremii 13:9

«Masɛ Dɛnaa Lawa a da ǹ boo á ke: A din yɔrɔ goon la, man die Zudaa a din koa kɛ ziziɛ̃, kɔnlɛ ka Zeruzalɛmu dɔ a din koa gole kɛ nɛ.

Zeremii 51:62

A pɛ: «Dɛnaa Lawa, n din nə́ n boo kɛ da: Baabilonii gána á re n bɔ̀n biɛ, min goon din ba re goɛ̃ a-n wa, minbuiin nɛ lɛa, hinlaa tɔɔ lɛa wa. A n die n biɛ kɛbɔlɔ lɛa yǎa duduu.»

Abdiasi 1:2

Edɔmu, á ke man die n biɛ kiɛɛrɛ tɔrɔ kɔsɔn bii, n tìĩ á re boe ǹ ne taãn-taãnɛ.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 3:11

Lawa na á goã giɛ li mà a bɛa sii lɛ zɛnaa haalɛ bibi. A na á zɛnaa kanna ka wɔa Dɛnaa Yezu Krita nɛ.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»