Izayii 23:17 - LAWA A BOO SONBORE

¹⁷ Kànaa ka lɛ̀ pɔsɔbaa (70), Dɛnaa Lawa á re sii zɛnɛɛ Tiiri kiwi ni. Wɔrɔ á re wusii a yɛ gána lɛ nɛ. A n die pii koe ka kanaa a gánan tumaa nɛ.

LAWA A BOO SONBORE 2011

¹⁷ Kànaa ka lɛ̀ pɔsɔbaa (70), Dɛnaa Lawa á re sii zɛnɛɛ Tiiri kiwi ni. Wɔrɔ á re wusii a yɛ gána lɛ nɛ. A n die pii koe ka kanaa a gánan tumaa nɛ.

Izayii 23:17 ပူးပေါင်းရင်းမြစ်များ

Izayii 23:15

Ka bɛ nɛ, yiri á re boe Tiiri kiwi ni lɛ̀ pɔsɔbaa. Bɛ n kɔnpii ka kii a yiikoonaabaa nɛ. Bɛa lɛ̀ pɔsɔbaa lɛ a giala nyɔmɔɔ waáraa, màn mɛn nə́ lɔ kɔrɔ-baali yɛ loe kɛ gɔ́ɔ̃ nɛ, bɛ lɛ n die Tiiri yii:

Izayii 23:16

Lɔ kɔrɔ-baali, nsɛ mɛn bɛ́ yiri bɔ n nɛ, kɔnkoɛɛ̃ saa, n kiwi lɛnpɛnɛ. A dɛ n parsiini, n loe gigiã lɔ, màn mɛn bɛ́ toɛ minin yiri gisĩ n ni!

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Ezekieli 16:25

Ń *wúlu bɔ ǹ bǎã dɔ zii tumaa a giala kɔ ǹ bǎã nɛ. N nə́ n din a siĩnbaa kɛ ziziɛ̃ walan. Ma n nə́ n din kɔ kiɛ̃ wolen tumaa la, ń wusoo ń màn da n din a kɔrɔbaa li.

Ezekieli 16:26

Zeruzalɛmu, n kɔrɔbaa zɛnaa kun ka Ezipti minin kɛn nɛ, n miãkɛnɛn lɛn, ǹ tɔntɔraabaa n gole. N màn da n kɔrɔbaa lɛ li, yǎa ń má foo yoo.

Ezekieli 16:31

N bɛ́ kɔrɔbaa ǹ bǎãn kɛn doe, dì wúlu bɔ n bǎãn kɛn, ziin tumaa a giala kɔ ǹ bǎãn nɛ, zaman paãn bǎã tumaa nɛ, n bie n zɛnaa ka lɔ kɔrɔn kɛn dɔn dinin wɔ bɛ́ lɔn wa. N lɛ kɔ saraa ganaa wa.

Ezekieli 22:13

«Á ke, ma nə n gɔn pepere ka li, a giala, kaa màn kɛ lɛ ká yɛ, ka n ká mɛnaa minin la, ka n ká gɛ̀ dɛ.

Misee 1:7

A màn nyínin kɛn lɛn tumaa á die pɔpɔsɛ. A kɔrɔbaa ǹ mànan lɛn tumaa á die n tiɛ̃. Ma á die a dìn kɛn tumaa yɔyɔrɛ. A giala, kɔrɔbaa ǹ mànan manɛ, ǹ tá re wusii, ǹ kɔrɔbaa ǹ dí nya.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Nahumu 3:4

Ninivu sii baraa zɛnaa á la yii ni. A siĩnbaa taman yii, a n ka kɔrɔbaali bɛ́ lɔn, minin yiri sii. A n ka dagòãdɛnaa bɛ́ lɔn, minin yiri sii. Bɛ lɛ taman yii, tɔrɔ gigiã ná a bɛ̀rɛ baa.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Nya ǹ dín 15:14

Lawa din nə saa lɔn a giala koe li, á minin bɔ tɔrɔ kɔsɔn bii, á ǹ baa a din wɔn lɛa, Simɔn na á wusoo á wɔsɛn yiri da bɛ lɛ nɛ.

Timəə dí-pɛn 23:18

Izirayeli minin bii, a nyan toa a yɛ nɛlɔ hinlaa nɛginin lɛa, ǹ mɛn bɛ́ n din koe wo dì la ǹ kɔrɔbaa kɛ la wa.

Timote1 3:3

A doamaa bie a goã duvɛ̃ mii a la a din ni wa, a baran goã kakaarɛ wa, sɛnɛ, a goã min basiɛ̃ lɛa, sabara-baali lɛa. A baran n là kakã wɔrɔ sii li wa.

Timote1 3:8

Lawa a sɔmɔ dí-nyalin dɔn doamaa nɛ ǹ goã min yii guguru-an lɛa, koe ǹ da ǹ boo lɛ. Ǹ doamaa bie ǹ duvɛ̃ mi a la yii-n wa, ǹ baran ga màn li yɔrɔ baraa la wa.

Piɛrɛ1 5:2

Lawa ka bɔ á ka koa a zaman mɛn nyɛɛn ke, ka ga bɛa zaman lɛ walan, ka tɔɔn-lɛduə̃li bɛ́ giɛ a tɔɔn walan lɔn. Ka ga zaman lɛ walan ka foo kɔɔ̃n nɛ, a kɔnpɛ Lawa dùũ ni, a baran n baa ka n pɛ mà pàã sii-n wa. Ka baran zɛnaa ga màn li ǹ dí dɔ lɛa wa, ka toa a goã din-kɔ ǹ dí lɛa.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»