Izayii 23:13 - LAWA A BOO SONBORE

¹³ N yiri kɔ ka *Baabilonii minin gána nɛ: Bɛa minin lɛn banban doo wa. Asiirii na á bɔyaa á baa don mànan bǎã lɛa. Asiirii minin nə́ wɔlɔ lɛduə̃ ǹ bǎãn dɔ. Ǹ nə́ ǹ kii kionən ziziɛ̃, ǹ nə́ ǹ baa kɛbɔlɔn lɛa.

LAWA A BOO SONBORE 2011

¹³ N yiri kɔ ka *Baabilonii minin gána nɛ: Bɛa minin lɛn banban doo wa. Asiirii na á bɔyaa á baa don mànan bǎã lɛa. Asiirii minin nə́ wɔlɔ lɛduə̃ ǹ bǎãn dɔ. Ǹ nə́ ǹ kii kionən ziziɛ̃, ǹ nə́ ǹ baa kɛbɔlɔn lɛa.

Izayii 23:13 ပူးပေါင်းရင်းမြစ်များ

Siin Giala 11:28

Aaran na á Lɔti yɛ. Aaran sɛ gã ǹ di Teraa nyɛɛnɛ, ǹ dinin gána nɛ Baabilonii, ǹ dinin kiwi Uuru.

Siin Giala 11:31

Teraa yoo kun ka a nɛgiĩ Abramu ni, ka a nɔ̀ɔn Lɔti ni, Aaran a nɛ lɛ, ka ǹ manaa Sarayii ni, a nɛgiĩ Abramu lɛ a lɔ n ka bɛ nɛ. Ǹ nə́ soo Uuru kiwi, Baabilonii gána nɛ kunun ǹ ni, mà maǹ woe Kanaan gána nɛ. Ǹ bɛ́ ǹ nə́ dɔ Kaaran, ǹ nə́ giã walan.

Siin Giala 11:9

Bɛ lɛ nɛ, ǹ nə́ bɛa kiwi lɛ tɔ kɔ mà Baabeli (bɛ giala mà "Lɔlɔkɔn"), a giala, Dɛnaa na á kanaa minin tumaa bɔlɔ lɔlɔkɔn walan, á ǹ sasawaa kɔn á ǹ bɔ walan, ǹ nə́ woo kanaa paǹ tumaa nɛ.

Siin Giala 2:14

Ǹ goon kɔsɔ dɔ tɔ n Tiigrə. Bɛ n baa sii Assiirii gána a lɛ̀giala gɔn la. A siibaa ǹ wɔ ǹ ka Efrati tà nɛ.

Kiin2 17:24

Asiirii gána a kii minin goa *Baabilonii kiwi, Kutaa kiwi ni, Abaa kiwi ni, Amaati kiwi laanka Sefaravayimu kiwi ni, á daa ǹ kaa Samarii gána a kiwi dadaran nɛ, Izirayeli nɛnyaanan lɛn bǎã nɛ. Ǹ nə́ Samarii gána lɛ baa ǹ wɔ lɛa, ǹ nə́ giã a kiwi dadaran nɛ.

Kiin2 20:12

Bɛa biikoo lɛ li, Balaadan a nɛgiĩ Merodaki-Balaadan ke, *Baabilonii gána a kii lɛa, bɛ́ sɛ́wɔ dia Ezekiasi la, ka bǐɛ̃ baa ǹ mànan nɛ, a giala, á goã á ma mà Ezekiasi lɛ goã lon wa.

KZS2 33:11

Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.

Zɔbu 1:17

Bɛ dɔ ba a wɔ diɛ á nyɛɛ wa, bɛ̀ goon dɔ bɛ́ á dɔ mà *Kaldee minin nə́ n tala kɔn kuru sɔɔ, ǹ nə́ daa kaa nyɔɔmaan lɛn bii, ǹ nə́ dí-nyalin lɛn dɛ, ǹ nə́ nyɔɔmaan lɛn loo, ǹ nə́ kiɛ̃ ǹ nɛ. Mà asɛ dinsɔɔ̃ na á baa si á la, á daa a boo da nɛ.

Loen 72:9

Don gɔ́ɔ̃ minin tá re kiɛ tán a yɔrɔ-a. A zɔ́ɔn tá re mɛnɛɛ, ǹ nə n lɛ kɔ tán lɛ.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 10:7

Sɛnɛ, Asiirii sɛ bɛa woo ǹ bǎã yɛ wa. Asɛ n taasiɛ kɔsɔ we. A bɛ́ re tɔrɔ gigiã bɔ̀n biɛ lɔn, asɛ n bɛa taasiɛ we taãn-taãnɛ.

Izayii 13:19

Lawa Sodɔmu laanka Gomɔɔrɔ yu lɔn lɛlɛ, a n die Baabilonii dɔ yui miɛ̃, asɛ kɛ lɛ gánan kiwi sonbore lɛa, a minin nə́ n dinin gole koe a paǹ li.

Izayii 13:21

Sɛnɛ, a n die don nɔ̀ɔnɔn giã ǹ bǎã biɛ. Kɔlɔn tá re nyii a kionən ne. A n die bɛndan giã ǹ bǎã biɛ, a butumun sàn kɔ ǹ bǎã baa.

Izayii 18:6

A din yɔrɔ goon la, Etiopii minin dɔn tá re n toɛ walan kele la ǹ sían laanka don mànan gɔn. Sían tá re ǹ mui bɔ̀nɔn, don mànan nə ǹ sɔ̃ taãlan.

Izayii 43:14

Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.

Ezekieli 23:23

Minin tá re boe Baabilonii, Kalde minin kɛn tumaa, Pekɔdi minin ni, Sowa minin ni ka Kowa minin ni. Asiirii minin kɛn tumaa á re kiɛ kun ka bɛn nɛ. Ǹ tumaa n min ten lɛa, yii n boe ǹ li. Kɛn man gánadɛnan lɛa, kɛn nə́ nyɛɛnaandɛnan lɛa, zia-baalin ni, goledɛnan nɛ, ǹ tumaa n boe sùi da baa-a la sɔnbɔraanɛ.

Ezekieli 29:18

– Minbuiin a nɛ, ga! Baabiloniin kii Nebukadenezɔɔrɔ yoo Tiiri kiwi gialaa, á dí gole da a sɔraasin mìi ni. Ǹ baã ka tumaa kaa, ǹ nyàa koo tumaa sɔsɔlɔ. Sɛnɛ, a dí mɛn nya Tiiri ganaa, a din laanka a sɔraasin lɛn nə là goon yɛ a-n wa.

Abakuku 1:6

Á ke, man die *Baabilonii minin kiɛ ka-a, ǹsɛn mɛnɛn bɛ́ kakaarɛ, ǹ nə́ ǹ ba makara doɛ̃ wa. Maǹ woe bǎã tumaa nɛ, ǹ wo gánan kũ, ǹ mɛnɛn bɛ́ ǹ ba ǹ wɔ lɛa wa.

Nya ǹ dín 7:4

Abrahamu tɔ́n soo á n bɔ *Kaldee minin gána nɛ, á daa giã Aaran. Ǹ di a gɛ̀ kio, Lawa tɔ́n bɔ walan á dia gána kɛ nɛ, bɛa gána lɛ n ke ka tá a-n sisia.