Izayii 23:1 - LAWA A BOO SONBORE

¹ Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

LAWA A BOO SONBORE 2011

¹ Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

Izayii 23:1 ပူးပေါင်းရင်းမြစ်များ

Siin Giala 10:4

Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni.

Kiin1 10:22

Bǎã sɔsɔɔ mu baa ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Iraamu wɔn nɛ. Lɛ̀ sɔsɔɔ gɔ́ɔ̃ nɛ, maǹ nə́ n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Kiin1 22:48

Bɛa biikoo li kii goã koa nɛ Edɔmu gána mìi la wa. Gánadɛnaa dinsɔɔ̃ na á goã a tan, Zudaa n kii bɔ á koa.

Kiin1 5:1

A kũ tà kɛ ganaa ǹ nə́ bíi Efrati a wo Filisiti minin gána laanka Ezipti gána gèlè yaa, gánan mɛnɛn bɛ́ walan, Salomɔn nə́ ǹ yii kaa a pàã giulun. A Salomɔn yii toa koo, maǹ nə́ goã dí nyɛɛ nɛ miɛ̃, ǹ nə́ nyín giɔ̀mɔ sarɛɛ la.

KZS2 9:21

Bǎã sɔsɔɔ mu la ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Uramu wɔn nɛ. Lɛ̀ sɔsɔɔ gɔ́ɔ̃ nɛ, manə n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Loen 48:7

Ǹ gɔ̀nɔn na á bìn da walan kəkəkə, ka lɔ nɔna-a n nɛ yii.

Izayii 15:8

Gú diɛ lɛ n boe Moabu gána paǹ tumaa li. A gɛ̀ wuu pɛ n boe yǎa Eglayimu, a gɛ̀ wuu pɛ n boe yǎa Elimu tù lɛ-a.

Izayii 2:16

Mu la ǹ goon kɛn zii sɔsɔɔ tɔ wɔ ǹ wɔn lɛa, á re yui bɛn gialaa ka ǹ mɛnɛn bɛ́ pii màn giɔ̀mɔ kakaan goɛ.

Izayii 23:12

Dɛnaa Lawa n kɛ pii: «Sidɔn a zaman, ka a re boe la ka kaa zɔ́nɔn zɛnaa doo wa. Ma nə n kɔnbɔ ka nɛlɔ ten mɛn bɛ́ ǹ nə́ kũ ka pàã nɛ. A giala, ta ń yìsi mu la bɔ ń woo yǎa Siipri, n ba re susui yii walan dɔ din ni wa.

Izayii 23:6

Ka yìsi mu wɔsɔ yǎa Tarsiisi. Kasɛn kɛn giã-n yìsi mu lɛkoro lɛ-a, ka gɛ̀ loe lɔ.

Izayii 24:10

Kiwi gɔ́ɔ̃ kooro-a lɛ kaa. Kionən tumaa lɛ tiɛ̃maa nɛ. Min kɔn ba boe la á we doo wa.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Zeremii 2:10

Ka wo bǎã sɔsɔɔ kɛ nɛ Grɛki, ka ga a ganaa, ka wo Kebaaraa Larabun kɛn li, ka nɔ̀n da. Ka á re yii, mà sii kɛ miã bin nə n zɛnaa wa.

Zeremii 25:15

Dɛnaa Lawa, Izirayeli a Lawa boo mɛn da ma nɛ, á ke: «Paan kɛ si ma gɔn, piɛ̃-n ka maa foo-yoo ne. Ma bɛ n diɛ tɔrɔn mɛnɛn tumaa li, n kɔ ǹ la ǹ mi.

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Zeremii 47:4

A giala, Filisiti minin sii tumaa ziziɛ̃ lɛawaa nɛ. Min mɛn tumaa bɛ́ re n doe Tiiri laanka Sidɔn kiwi lɛ, maǹ die bɛn ziziɛ̃. Filisiti minin li, Dɛnaa Lawa n màn tumaa ziziɛ̃, ka min mɛnɛn yii goã koo mu a bǎã da bii wole Krɛti ni.

Ezekieli 26:1

Izirayeli minin goa lɛ a lɛ̀ fulugoonbaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ:

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Ezekieli 27:30

Maǹ nə n lɛ dii ka n din tɔ nɛ, maǹ nə n lɛ dii kɔsɛkɔsɛ. Maǹ tii goɛ kiɛ ǹ dinin mìi ni, maǹ nə n birikəĩ tán ton li.

Ezekieli 27:6

N mu baa ǹ lasan kɛn, maǹ nə́ bɛn zɛnaa ka Basan da gɔn nɛ. N giã ǹ bǎã ke, maǹ nə́ bɛ zɛnaa ka Kitimun siprɛsi da kɛa gɔn nɛ ǹ na a nyan kɔ ka don a díi sɔn nɛ.

Zonaasi 1:3

Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

Minin nimi 24:24

Mu la ǹ goon nə́ ke boe Siipri gána li, maǹ die boe Asiirii gána minin yii ni, ǹ bɔ Ebɛɛrɛ tɔrɔn dɔn dinin yii ni. Sɛnɛ ǹ dinin dɔn tá re bɔ̀n biɛ.

Luku 10:13

«Kasɛn Koraazɛn minin kɛn, bɔ̀n nə kaa wɔ lɛa. Kasɛn Bɛtsayidaa minin kɛn, bɔ̀n nə kaa wɔ lɛa. A giala kaãbaa ǹ sii gigiã nə́ n zɛnaa kaa kiwi. Bɛ̀ bɛn man nə́ n zɛnaa Tiiri laanka Sidɔn kiwi babaraan kɛn nɛ, bɛ̀ bɛn minin nə́ wusoo ǹ sii baraan kio haalɛ bibi, ǹ nə́ boroo wɔ, ǹ nə́ ton kaa ǹ dinin-a, ǹ nə́ ǹ yɔrɔ-kɔsiɛ nyaa.

Zozoe 19:29

Gèlè lɛ nə n pɛnɛ a da bɔ Ramaa kiwi, ǹ kungɔn dɔ Tiiri kiwi kɛa bǎã mɛn ganaa, a kiɛ̃ a da yǎa walan. A nə n toɛ walan a n pɛnɛ a da Hosaa, a tɔn bɔ Mahalabu, Akziibu, Umaa, Afɛki ka Rehɔbu ni, a wo n doa kɔ̀ gole kɛ ganaa. A kaa kun kiwi dadara fuəwenpaa ka ǹ lɛkoro lɛ-a kiwi bisinin ni.