Izayii 22:5 - LAWA A BOO SONBORE

⁵ A giala, pelo, Dɛnaa Lawa Pàãyiidɛnaa na á koe dia wɔ la, bɔ̀n nɛ, ka yiri lɔlɔkɔn nɛ.» "Sii-nyaa ǹ nyankɔrɔ basa nɛ", kungɔn gole mɛnaa, gú diɛ lɛ n boe woe kelen la.

LAWA A BOO SONBORE 2011

⁵ A giala, pelo, Dɛnaa Lawa Pàãyiidɛnaa na á koe dia wɔ la, bɔ̀n nɛ, ka yiri lɔlɔkɔn nɛ.» "Sii-nyaa ǹ nyankɔrɔ basa nɛ", kungɔn gole mɛnaa, gú diɛ lɛ n boe woe kelen la.

Izayii 22:5 ပူးပေါင်းရင်းမြစ်များ

Kiin2 19:3

Kii lɛ mà ǹ pɛ Izayii ni, mà Ezekiasi n kɛ pii: «Pelo a lɛawaa kɛ n foo ziziɛ̃ ǹ lɛawaa lɛa, dɔlɔ bɔ laanka sìi da ǹ lɛawaa lɛa. Nɛnyaan a yɛ dɔ, sɛnɛ toɛ̃ ǹ pàã banban ǹ dan tá yii wa!

Kiin2 25:10

Kalden zia-baalin mɛnɛn tumaa goã minin-lɛduə̃lin mìilandɛnaa lɛ diɛ zii, bɛn nə́ kungɔn kɛ wuru, Zeruzalɛmu lɛnpɛnɛ.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 22:1

"Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

Izayii 25:10

Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

Izayii 37:3

Ǹ nə́ pɛ Lawa a dia dí-a wole lɛ-n kɛnɛn: – Ezekiasi a boo á ke: «Pelo á lɛawaa kɛ n foo ziziɛ̃ ǹ lɛawaa lɛa. Dɔlɔ lɛawaa nɛ, sìi lɛawaa nɛ. Ká ǹ bɛ pii lɔn, nɛnyaan lɛ a yɛ dɔ, sɛnɛ, pàã ba ǹ dan lon á yii wa.

Izayii 5:5

Sisia, ma bɛ́ re màn mɛn zɛnɛɛ maa rezɛ̃ wuru lɛ nɛ, bɛ á ke: Gɔ̀rɔ mɛn bɛ́ a lɛnpɛnɛ, man die bɛ wurii ma bɔ a ganaa, tɔɔn nə sɔ̃. Kungɔn mɛn bɛa lɛnpɛnɛ, man die yala boe bɛ́ ganaa, kiɛ̃ wolen nə tɔtɔrɔ.

Izayii 63:3

Taãn nɛ, ma dinsɔɔ̃ n má rezɛ̃ tɔrɔ yala-n. Min kɔn goã kun ma-n tɔrɔn bii wa. Bɛ lɛ nɛ, maa foo yoo taman yii, má ǹ yɔyɔrɛ, maa kakaarɛbaa gɔ́ɔ̃ nɛ, má tɔrɔ ǹ la. Ǹ mà paparɛ, á kaa maa mɔnaan ganaa, á ǹ tumaa taã.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Busii pɛ 1:5

A zɔ́ɔn nə́ boo la. A bɔ ma yii-n wolen foo nyɛɛ. Dɛnaa Lawa fuu da a mìi ni a sii baraa damatan kɛn lɛa. Min mɛnɛn nə́ boo ǹ la, ǹ nə́ ǹ nɛnyaanan kaa ǹ nyɛɛnɛ, bɛ̀rɛn lɛa, ǹ nə́ woe ǹ ne.

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 2:8

Dɛnaa Lawa golee li, mà a n die Siɔn a kungɔn wurii. Á biɛ nàn nyoã, a n die zɛnɛ kɔnlɛ. Á yuyu miɛ̃, yǎa a tumaa wuru. Kiwi lɛnpɛnɛ ǹ kungɔn bibinaa laanka a paabaa ǹ wɔ lɛ yu. Bɛ foo-ziziɛ̃ baa.

Ezekieli 7:7

Gána minin lɛn, kaa wɔ nya. Biikoo dɔ, lɛawaa lɛ diri. Kelen la foo kɔɔ̃n lɛ-dɛ banban doo wa, sɛnɛ nyɛ́ɛ gole ne!

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Sofonii 1:15

Foo-yoo lɛawaa nɛ, bɔ̀n ka nyɛ́ɛ lɛawaa nɛ, ziziɛ̃ nɛ, ka gɛ̀ nɛ, tèlò ka wɔlɔ tì lɛawaa nɛ.

Matiə 24:16

Bɛa biikoo li, min mɛnɛn bɛ́ re goɛ̃ Zudee gána nɛ, bɛn doamaa nɛ ǹ baa si ǹ wo kelen la.

Luku 23:30

Bɛa biikoo li minin tá re pii kelen manɛ: «Ka bɔ ka mɛ wɔ la!», ǹ tá re pii tentenən manɛ: «Ka n kɔ wɔ lɛ ka wɔ duru!»