Izayii 22:15 - LAWA A BOO SONBORE

¹⁵ Dɛnaa Lawa Pàãyiidɛnaa pɛ ma nɛ: – Wo Sebumaa li, asɛ mɛn bɛ́ kii a sumu mìi la, n pɛ nɛ:

LAWA A BOO SONBORE 2011

¹⁵ Dɛnaa Lawa Pàãyiidɛnaa pɛ ma nɛ: – Wo Sebumaa li, asɛ mɛn bɛ́ kii a sumu mìi la, n pɛ nɛ:

Izayii 22:15 ပူးပေါင်းရင်းမြစ်များ

Kiin1 4:6

Ayiisaari na á goã kii a sumu dí-nyalin mìi la. Abdaa a nɛgiĩ, Adoniramu na á goã pàã dí mìi la.

Kiin2 10:5

Kii a kion mìilandɛnaa nɛ, kiwi lɛ a sii yɔrɔ-bɔle ne, min golen ne, ka kii a nɛgiĩn gama walan wolen ne, bɛn nə́ minin dia woe pii Zewu ni kɛnɛn: «Wɔsɛn ma nə n dí-nyalin lɛa, bɛ̀ n boo woo boo pɛ wɔsɛn manɛ, wɔ á bɛ zɛnɛɛ. Wɔsɛn ba re min kɔn koɛ kii lɛa wa. Bɛ̀ sii mɛn tá siĩni n din yii li, n bɛ zɛnaa.»

Kiin2 18:18

Ǹ nə́ nɔ̀n da kii lɛ li. Kii a sumu mìilandɛnaa Eliakimu ke Ilkia a nɛgiĩ lɛa, bɛ nɛ, ka sɛ́wɔ-kiɛ̃li Sebunaa nɛ, ka Asaafu a nɛgiĩ Zoa kɛ nɛ, sɛ́wɔn tamaali lɛa, bɛn nə́ soo ǹ nə́ daa ǹ li.

Kiin2 18:26

Ilkia a nɛgiĩ Eliakimu ni, ka Sebunaa laanka Zoa nɛ, bɛn nə́ pɛ sɔraasin mìilandɛnaa lɛ-n kɛnɛn: «Bǐɛ̃ kɔ n boo da ka wɔ nɛ ka Aramu bɔlɔ nɛ, a giala wɔ á miɛ̃. Sɛnɛ n baran *Ebrəə bɔlɔ pɛ wɔsɛn manɛ, zaman kɛ yii-n kungɔn la wa.»

Kiin2 18:37

Ilkia a nɛgiĩ, Eliakimu lɛ kii a sumu mìilandɛnaa lɛa, bɛ nɛ ka sɛ́wɔ-kiɛ̃li Sebunaa nɛ, ka Azaafu a nɛgiĩ Zoa kɛ nɛ sɛ́wɔn tamaɛ, bɛn nə́ n bɔyaa ǹ nə́ daa Ezekiasi li, ǹ mɔnaan nə́ tɔtoɛ̃ nɛ. Sɔraasin mìilandɛnaa lɛ goã á boon mɛnɛn da, ǹ nə́ bɛn gũ ǹ nə́ ǹ pɛ Ezekiasi ni.

Kiin2 19:2

Bɛ kio, á kii a sumu mìilandɛnaa Eliakimu laanka sɛ́wɔ-kiɛ̃li Sebunaa dia kun ka Lawa a wúlu-bɔlen lɛn min zizin ni, mà ǹ wo boo da ka Amɔsi a nɛgiĩ Izayii kɛ nɛ Lawa a boo gii-dali lɛa. A bɛ́ ǹ diɛ woe, gɛ̀ koa ǹ mɔnaa na á goã ǹ tumaa ganaa.

Izayii 36:11

Eliyakimu laanka Sebunaa ka Zoa tɔn pɛ Asiiriin sɔraasin goledɛnaa lɛ nɛ: «Wɔ nə n nyankoe, boo da wɔ nɛ ka Aaramu bɔlɔ nɛ. Taãn nɛ, wɔ á bɛa bɔlɔ lɛ miɛ. N nyan boo da wɔ-n ka *Ebrəə bɔlɔ-n wa. Minin kɛn bii-a kungɔnɔn la, bɛn manə n too koe wɔa boon ganaa.»

Izayii 36:22

Bɛ kio, Ilkia a nɛgiĩ Eliyakimu ke kiã lɛa kii a kion, ka sɛ́wɔ-kiɛ̃li Sebunaa laanka Asaafu a nɛgiĩ Zoa nɛ, ke sɛ́wɔ-tamaali lɛa, bɛn nə́ ǹ mɔnaan tɔtoɛ̃, ǹ nə́ n bɔyaa ǹ nə́ woo Ezekiasi li, ǹ nə́ woo Asiiriin sɔraasin goledɛnaa a lɛn su lɛ pɛ nɛ.

Izayii 36:3

Ilkia a nɛgiĩ Eliyakimu na á goã kiã lɛa kii a kion. Á soo kiwi lɛ nɛ kun ka sɛ́wɔ-kiɛ̃li Sebunaa nɛ, ka Asaafu a nɛgiĩ Zoa nɛ, sɛ́wɔn-tamaali lɛa, ǹ nə́ woo n da lɛ.

Izayii 37:2

A din biikoo goon kɛ lɛ nɛ, á kii kion a kiã Eliyakimu laanka sɛ́wɔ-kiɛ̃li Sebunaa ka Lawa a wúlu-bɔlen min golen dia Amɔsi a nɛgiĩ Izayii li, ǹ dɔn tumaa n ka gɛ̀ koa ǹ mɔnaan nɛ ǹ ganaa.

Nya ǹ dín 8:27

Filipi bɛ́ á bɛ ma lɔn gɔrɔ, á yoo fufuu á woo. Á daa yaa, giĩ goon dɔ na á goã bɛa zii lɛ la, Etiopii gána a kii lɔ dɛnaa kɛ a dí-nyali gole goon ne. Giĩ lɛ n kii lɛ a kion sii yɔrɔ-bɔle lɛa, á koa a naforo din tumaa mìi la. Bɛa Etiopii gána min kɛ lɛ na á woo Lawa guguru kɔ Zeruzalɛmu,