Izayii 22:12 - LAWA A BOO SONBORE

¹² Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

LAWA A BOO SONBORE 2011

¹² Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 22:12 ပူးပေါင်းရင်းမြစ်များ

KZS2 35:25

Lawa a boo gii-dali Zeremii gɛ̀ loe kiɛ̃ Zoziasi wɔ lɛa. A kũ bɛa waáraa kɛ ganaa a da kaa pelo lɛ, giĩ loe-lɔli laanka lɔ loe-lɔli tumaa n Zoziasi boo diɛ, bɛ̀ ǹ tá gɛ̀ loe loe. Bɛ na á landa baa Izirayeli gána nɛ. Ǹ boon tá gɛ̀ loen sɛ́wɔ nɛ.

Ɛsidrasi 9:3

Ma bɛ́ má bɛ ma, má maa mɔnaan kũ má ǹ tɔtoɛ̃, má ma mìi ka laanka ma lɛtoro ka kũ má wɔ̃woɛ̃, má giã tán ma foo ń busii ni.

Nehemii 9:9

Ń wɔ digolon nɔmaa yɛ Ezipti gána nɛ, ń nə́ ǹ lɛ-dɛ ma Sawɛɛ tà lɛ-a.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Boo-laakalaali 3:11

Lawa n sii tumaa zɛnɛɛ siĩni, a kɔnpɛ ka a biikoo ne. Ka bɛ dɔ nɛ, biikoo mɛn bɛ́ nyɛɛn sɔsɔɔ, Lawa bɛ dɔ din a doɛ̃ a taasiɛ wɔ minbuiin nɛ foo ne, a laanɛ ǹ ba boe la ǹ tá Lawa a sii zɛnaa giala miɛ wa, a saa a giala-kɔ ganaa, a wo kaa a gɔn nyɔmiɛ̃ lɛ.

Boo-laakalaali 3:4

Wuu-pɛ biikoo tan, yaa-wɔ biikoo tan. Lala-diɛ biikoo tan, bɛ̀-baa biikoo tan.

Izayii 15:2

Wúlu bɔ ǹ bǎãn nɛ, Dibɔn minin nə woo wuu pɛ. Neboo kele la ka Medebaa kiwi ni, Moabu minin nə́ woo gɛ̀ wuu pɛ. Ǹ tumaa mìi n kɔɔ̃ nɛ, ǹ tumaa lɛtoro ka n kɔɔ̃ nɛ.

Izayii 26:10

Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

Izayii 29:1

Dɛnaa Lawa pɛ: Ebe, Zeruzalɛmu, Zeruzalɛmu, maa *wúlu bɔ ǹ bǎã bɛ́ kiwi mɛn lɛ nɛ kii Davida daa giã a nɛ. N tá boe la n nə n zɔ́nɔn kɛn tumaa zɛnaa lɛ̀ woo lɛ̀.

Izayii 3:24

Màn gìĩ kɔɔ̃n bǎã nɛ, màn bɔnɛɛ gìĩ á re goɛ̃ a tan, maabɛlɛ bǎã nɛ, biɛ nɛ, mìi-tiɛ̃ sonbore bǎã nɛ, mìi-koɛ̃ nɛ, mɔnaa sonboren bǎã nɛ, gɛ̀ koa ǹ mɔnaa nɛ. Sìi n die siĩnbaa bǎã siɛ.

Izayii 32:11

Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Izayii 37:1

Kii Ezekiasi bɛa boon kɛn ma lɔn, a ná a mɔnaan tɔtoɛ̃, á gɛ̀ koa ǹ mɔnaan wɔ, á kiɛ̃ á wɔ Dɛnaa Lawa a kion.

Izayii 37:2

A din biikoo goon kɛ lɛ nɛ, á kii kion a kiã Eliyakimu laanka sɛ́wɔ-kiɛ̃li Sebunaa ka Lawa a wúlu-bɔlen min golen dia Amɔsi a nɛgiĩ Izayii li, ǹ dɔn tumaa n ka gɛ̀ koa ǹ mɔnaan nɛ ǹ ganaa.

Izayii 58:3

Sɛnɛ, maǹ pii: Wɔ n siɛ lɔn wɔ n lɛ sɔɔ n yii ná a ba a ganaa wa. Wɔ n siɛ lɔn wɔ n dinin gisĩ n nə́ n ba n yiri koɛ li wa. Má ǹ lɛ si kɛnɛn kəni: Sɛnɛ, ta ka n lɛ sɔɔ ǹ mɛn pinaa, ka n ka dinin gɔn tɔ dí nyɛɛ, ka n kaa dí-nyalin kuĩ baraa!

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 16:8

Ǹ bɛ́ zɔ́n zɛnɛɛ kion mɛn nɛ, n nyan wɔ walan dɔn wa. N nyan giã tán n màn bii hinlaa n màn mi kun ka bɛa minin kɛn nɛ wa.

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Ezekieli 27:31

Maǹ nə n mìi koɛ̃ n din a lɛa, maǹ gɛ̀ koa ǹ mɔnaan we n din a lɛa, ǹ foo ziziɛ̃maa nɛ. Maǹ wuu pii n din a lɛa, maǹ nə n duduwii n din a lɛa.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:8

Ka wuu pɛ ka n lala da, ka nɛniɛ mɛn nə ke, á giɔɔrɔ mɔnaan wɔ, a tá ǹ zuũ a gɛ̀ wuu pii.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Zonaasi 3:6

Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

Misee 1:16

Zeruzalɛmu minin lɛn, ka n mìi kɔɔ̃. Ka zèwon bɛ́ lɔn, ka nyan ka toa ka mìi-n wa, kaa là-paparɛɛ taman yii, kaa nɛnyaanan kɛn lɛn lɛa, ka tá ǹ narɛ. A giala, maǹ die ǹ goɛ, ǹ wo ǹ ne bɛ̀rɛbaa ǹ bǎã nɛ, ǹ wɔlɔ lui ka ganaa.

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!