Izayii 22:1 - LAWA A BOO SONBORE

¹ "Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

LAWA A BOO SONBORE 2011

¹ "Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

Izayii 22:1 ပူးပေါင်းရင်းမြစ်များ

Siin Giala 21:17

Lawa nɛginin lɛ lɛ ma, a dia dí-a wole tɔ́n nə n toa lon, á lɛ dia Agaara la, á pɛ nɛ: «Agaara, wàa nə n ganaa? N baran nyɛ́ɛ baa wa, a giala, Lawa nɛ lɛ lɛ ma bǎã lɛ-n walan.

Samayeli2 14:5

Kii tɔ́n nɔ̀n da la: «Ma n giɛ wàa li?» Á kii lɛ si: – Lɔ giɔɔrɔ din taãn nɛ ka masɛ nɛ, ma zuũ gã.

Kiin2 6:28

Bɛ kio, kii lɛ pɛ nɛ: «Ma n giɛ wàa li?» Lɔ lɛ ná a lɛ si: «Lɔ kɛ ná á pɛ masɛ nɛ, mà ma da ka maa nɛ nɛ, wɔ sɔ̃ pelo, mà biɛ̃, wɔ tɔn a dɔ wɔ sɔ̃.

Loen 114:5

Yìsi mu gole, wàa na á baa, n tá baa sii? Zurdɛ̃ tà, wàa na á baa, n tá wusii?

Loen 125:2

Zeruzalɛmu lɛ, kelen man a lɛnpɛnɛ. Dɛnaa Lawa dɔ na a minin lɛn lɛnpɛnɛ miɛ̃, a kũ kanna ganaa, yǎa duduu.

Suusun 29:18

Bɛ̀ sii-nyaan banban wa, zaman nə n gɔn boe a din-a. Min mɛn bɛ́ koe dí-pɛn lɛ, bɛ foo á re kɔɔ̃n koe!

Izayii 13:1

*Baabilonii minin boo gii, Amɔsi a nɛgiĩ Izayii nə ǹ mɛn lɛ yɛ sii-nyaa nɛ:

Izayii 15:3

Ziin la, gɛ̀ koa ǹ mɔnaan man minin ganaa. Banbaranan la ka zaman bǎãn nɛ, maǹ gɛ̀ loe loe, min tumaa n wuu pii.

Izayii 22:5

A giala, pelo, Dɛnaa Lawa Pàãyiidɛnaa na á koe dia wɔ la, bɔ̀n nɛ, ka yiri lɔlɔkɔn nɛ.» "Sii-nyaa ǹ nyankɔrɔ basa nɛ", kungɔn gole mɛnaa, gú diɛ lɛ n boe woe kelen la.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 21:13

Kasɛn mɛnɛn bɛ́ giã-n nyankɔrɔ basa nɛ ka gɛ̀fu la ǹ dɛnan nɛ, Dɛnaa Lawa a da ǹ boo ne, man die ka gialaa. A giala, ka ǹ pii: «Min kɔn ba boe la a dii a da wɔ gialaa hinlaa a wɔ wɔa kion wa.»

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 32:32

Izirayeli minin laanka Zudaa minin nə́ sii baraa gigiã zɛnaa, ǹ nə́ ma foo yoo ne: Ǹ kiin ni, ǹ kiãn nɛ, ǹ Lawa a wúlu-bɔlen ne, ǹ Lawa a boo gii-dalin ni, Zeruzalɛmu minin ni ka Zudaa minin ni.

Zeremii 48:38

Moabu a banbaran tumaa la, a bǎã dadaran tumaa nɛ, gɛ̀ koa ǹ loe dinsɔɔ̃ lɛ n boe. Má Moabu yu ka donkolon mɛn nə́ ke là ba a ganaa wa. Dɛnaa Lawa a da ǹ boo ne.

Misee 3:6

A bɛ́ miɛ̃, á nya kəni! Ma a die sii kɔn nyɛɛ ǹ nɛ doo wa, ǹ yii ba re sii kɔn yii doo wa. Lɛawaa á die tèlò biɛ ǹ ganaa, wasa yii á die wɔlɔ tì biɛ ǹ ganaa.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Matiə 10:27

Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.

Rɔmu minin 3:2

Hiĩ, mìi tá la, mìi gole gole dinin. Bibinaanɛ, Lawa na á boo da ka Zuifun ni. A na á ná a boo lɛ koa ǹ dinin li.

Timəə dí-pɛn 22:8

Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.

Sii yɔrɔ-bɔlen 18:23

Ǹ nə́ lɛ dia Dan tɔrɔn lɛn la kɔsɛkɔsɛ. Bɛn nə́ n yɔrɔ bɔyaa ǹ nə́ pɛ Miikaa nɛ: «Minin kɛn n nə́ ǹ sɔkɔn, wàa na á baa?»

Samayeli1 11:5

Sayulu nə́ n toa: «Wàa na á baa zaman lɛ á wuu pii?» Zaabɛsi minin nə goã ǹ nə́ boo mɛn da, ǹ nə́ bɛ saa ǹ nə́ pɛ Sayulu ni.

Samayeli1 3:1

Samayeli bɛ́ tɔn ten, a na á goã Dɛnaa Lawa a dí nyɛɛ Elii giulun. Bɛa biikoo li, Lawa goã boo diɛ pataa wa, sii-nyaa dɔ goã yii papaa wa.