Izayii 21:2 - LAWA A BOO SONBORE

² Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

LAWA A BOO SONBORE 2011

² Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Izayii 21:2 ပူးပေါင်းရင်းမြစ်များ

Siin Giala 10:22

Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Loen 119:158

Má minin yɛ, ǹ nə́ n piã n nɛ, ǹ ba koe n da ǹ boon kɛn lɛ wa. Bɛn sii din ba ma-a wa.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 60:3

Lawa, ń wɔ daa, ń wɔ nana kɔn. N laanka n foo-yoo lɛ tumaa nɛ, wusoo n nə n yɔrɔ da wɔ la.

Loen 79:11

N too kɔ ka sonborebaa nɛ, kòso nɛn lɛ-dɛ kɛ li. N din pàã n gole, ǹ bɛ́ re min mɛnɛn dii, bɛn si gɛ̀ la.

Suusun 13:15

Yiri sonbore bɛ́ min mɛn nɛ, bɛa dɛnaa n kɔɔ̃n minin ganaa. Sɛnɛ min baraan n zii baraa la.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 14:4

Bɛa waáraa kəni, n die n loe kɛ lɔ n Baabiloniin kii foo saa nɛ: Min mɛn goã pàã nyɛɛ wɔ-n lɛlɛ, bɛa dɛnaa wɔ nya. A kakaarɛbaa lɛ nya. Asɛ wɔ nya!

Izayii 14:7

Sisia kəni, tán tumaa golee kiĩni, a nə n susui. Min tumaa n foo kɔɔ̃nbaa ǹ lɛ dii.

Izayii 22:6

San laanka kiɛn man Elamu gána a zia kurun gɔn. Ziabaa ǹ wotoron laanka ǹ da baa-a wolen manə ǹ tan, ka sùidɛnan nɛ. Kiiri sɔraasin manə ǹ goóron yɔrɔ boe.

Izayii 24:16

LOE kɛ lɛ n boe kanaa paǹ tumaa ganaa: «Ka Lawa tɔ bɔ, asɛ mɛn bɛ́ pepere!» Sɛnɛ, masɛ n kɛ pii: «Má sàabaa, má sàabaa. Wàa koe-n ka kɛ-n ma ganaa.» Tentenən man minin yiri siɛ̃, minin sã woo minin sã. Tentenən man minin siɛ̃.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 25:25

Zimri kiin tumaa nɛ, Elamu laanka Mɛdi gána minin kiin ni.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Zeremii 45:3

– Ń goã ń pɛ kɛnɛn: «Masɛ wɔ n ka koe ne. Hiĩ, man nɔmaa-n lɛlɛ ǹ dùũ, Dɛnaa Lawa wusoo á daa màn da maa foo ziziɛ̃ li. Má nɔmaa ka ginii ni. Susui ba ma la wa.»

Zeremii 49:34

Dɛnaa Lawa boo da Lawa a boo gii-dali Zeremii ni Elamu minin wɔ paǹ li. Bɛ́ á zoɛ̃ bɛ̀ Sedekiasi a Zudaan kiibaa tɔn belebɔ wa.

Zeremii 49:35

Dɛnaa Lawa Pàãyiidɛnaa boo mɛn da, á ke: Elamu minin sãn kɛn, ǹ mɛnɛn lɛn bɛ́ ǹ pàã lɛa, man die bɛn yiyiɛ.

Zeremii 50:14

Kasɛn, sa-zũlin lɛn, ka Baabilonii lɛnpɛnɛ, ka yoo a gialaa! Ka pã! Ka nyan ga kaa kiɛn ganaa wa! A giala, á wɔ Dɛnaa Lawa lon.

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Busii pɛ 1:22

Ga ǹ sii baraan kɛn ganaa taãn nɛ. N masɛ yii wɔ̃ lɔn, maa piãn kɛn lɛa, ǹ dɔn yii wɔ̃ miɛ̃. Maa wɔ n ka ginii-n biikoo tumaa li! A n busu lɛa ma ganaa.

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.

Samayeli1 24:13

Dɛnaa Lawa die a sii lɛ kuru wɔ biin ni! Dɛnaa Lawa die a masɛ a dòo bɔ n ganaa! Sɛnɛ, masɛ gɔn ba re miɛ n ganaa wa.