Izayii 20:5 - LAWA A BOO SONBORE

⁵ Min mɛnɛn nə n foo doa Etiopii gána ganaa, hinlaa ǹ nə́ n dinin gole koe Ezipti a dɔmalɛn taman yii, nyɛ́ɛ á re bɛn kuĩ, sìi nə ǹ wɔ baa.»

LAWA A BOO SONBORE 2011

⁵ Min mɛnɛn nə n foo doa Etiopii gána ganaa, hinlaa ǹ nə́ n dinin gole koe Ezipti a dɔmalɛn taman yii, nyɛ́ɛ á re bɛn kuĩ, sìi nə ǹ wɔ baa.»

Izayii 20:5 ပူးပေါင်းရင်းမြစ်များ

Kiin2 18:21

Á ke, ma n nə n foo doa Ezipti gána a dɔmalɛ ganaa, bɛa bàlà yiɛ kɛ lɛ, a doamaa wole tumaa gɔn foɛ̃ kiɛ̃ li. Min mɛnɛn tumaa bɛ́ n foo doɛ Ezipti gána a kii *Faarahɔn lɛ ganaa, a nə n biɛ kɛnɛn lɛn ǹ ganaa.»

Izayii 2:22

Ka nyan nə n foo doa minbuiin nɛ ganaa wa! Ǹ yiikoonaabaa n piɛ̃ lɛa. Là ba a ganaa wa.

Izayii 30:3

Sɛnɛ, Faarahɔn a tamaa kɛ á re foo ziziɛ̃ biɛ ka ganaa. Ka bɛ́ giɛ mìi susu ǹ bǎã mɛn li Ezipti gána nɛ, bɛ á re yii puusəbaa biɛ ka ganaa.

Izayii 30:5

Sɛnɛ, sìi á re n koe ka lɛ. Ezipti minin ba re boe la ǹ dɔmalɛ kɔn wɔ ka-n wa. Ǹ ba re bǐɛ̃ kɔn zɛnɛɛ ka-n wa, ka a re là goon yii ǹ ganaa wa. Maǹ die sìi dinsɔɔ̃ diɛ ka ganaa, ǹ ka yii puusə kɔ.

Izayii 30:7

Taãn nɛ, Ezipti a dɔmalɛ n piɛ̃ lɛa, a màn kɔn lɛa wa. Bɛ lɛ nɛ ma á pii gána kɛ nɛ: «Ma n Rahabu lɛa, don màn babaraa piɛ̃-wole ke, sɛnɛ n ba bìn diɛ wa.»

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 36:6

Á ke, ma nə n foo doɛ Ezipti ganaa, bɛa làpaa yɔyɔrɛɛ ke, min gɔn foɛ̃ bɛ̀ n nə́ n gɔn da a ganaa. Die nə n foo doɛ bɛ ganaa. *Faarahɔn, Eziptin kii lɛ n ka làpaa yɔyɔrɛɛ bɛ́ lɔn a foo doama-a wolen tumaa gɔn, foo na a ba n doɛ a ganaa wa.

Izayii 36:9

N ba boe la dinin, n maa dɛnaagiĩ a dí-nyali dadaran kɛn kiɛɛrɛdɛnaa goon din da wusoo a kio-n ganaa wa, ma nə n foo doɛ Eziptin kii ganaa, màn mɛn bɛ́ toɛ n ziabaa ǹ wotoron yɛ ka sùin ni!

Izayii 37:9

Ǹ nə́ daa pɛ Asiiriin kii lɛ nɛ mà Etiopiin kii Tirakaa zii saa a n die a gialaa. A bɛ́ á bɛa boo lɛ ma, á dia dí-a wolen dia Ezekiasi la.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Zeremii 46:25

Dɛnaa Lawa Pàãyiidɛnaa, Izirayeli a Lawa n kɛ pii: «Man die yui Amɔn gialaa, Tabɛsi kiwi minin dì ke, ma yoo Ezipti gána gialaa, a dìn ni, a kiin ni, ma yoo Faarahɔn gialaa, ka min mɛn tumaa bɛ́ ǹ foo n doa-n la.

Ezekieli 29:16

A Izirayeli minin kɛn foo doa ǹ bǎã biɛ doo wa. A giala, Ezipti gána lɛ din a tan nə die ǹ yiri gisĩ ka ǹ dinin sii baraa nɛ, ǹ dinin wusoo a wo kaa kun ka Ezipti gána-n kɛ lɛ. Ǹ tá re doɛ̃, mà masɛ din nə Dɛnaa Lawa lɛa.»

Nahumu 3:9

A foo n doa nɛ Etiopii laanka Ezipti ganaa, ǹ pàã gole ke, a na a ba nyɛɛ wa. Puutu minin laanka Libii minin maǹ nə́ goã a koa kun wolen lɛa.

Sofonii 2:12

Kasɛn dɔn Etiopii minin lɛn man die ka bɔ̀n biɛ zia la!

Korɛnti1 3:21

Bɛ lɛ nɛ, min kɔ́n doamaa bie a n din koa ka daraa-wɔlen sii ni, a da yaa ǹ dɔn nə́ minbuiinin lɛa wa. A giala, mà ǹ tumaa n kaa wɔ lɛa: