Izayii 20:4 - LAWA A BOO SONBORE

⁴ Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

LAWA A BOO SONBORE 2011

⁴ Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

Izayii 20:4 ပူးပေါင်းရင်းမြစ်များ

Samayeli2 10:4

Anuuni Davida a dí-nyalin lɛn kũ, á ǹ lɛtoro ka talɛɛ kɔɔ̃, á ǹ dɔnkɛn kuru a bii ganaa, á ǹ giala piri da bii-a, á ǹ kaa mà ǹ woo.

KZS1 19:4

Anuuni Davida a dia dí-a wolen lɛn kũ kəni, á ǹ lɛtoro ka kɔɔ̃, á ǹ mɔnaan kuru ǹ binbin ni, ǹ gisin lalan á ǹ kaa.

Izayii 19:4

Man die Ezipti we mìinaa kakaarɛ gɔn. Kii pàã-zɛnaali á re giɛ̃ a mìi la.» Dɛnaa Lawa Pàãyiidɛnaa a da ǹ boo ne.

Izayii 3:17

Kanna kəni, Dɛnaa á re kɔǹgɛ boe ǹ mìi-a, ǹ goã baã gere-an lɛa.

Izayii 31:2

A da yaa, a dɔ á sii doɛ̃. Á boe la a da ka koe ne, a wusii a da ǹ boo kio wa. A n yui min baraan lɛ sɔkɔn gialaa, ka sii baraa-zɛnaalin dɔmalɛ nɛ.

Izayii 31:3

Ezipti minin man minbuiin nɛn lɛa, ǹ bie Lawa lɛa wa. Ǹ sùin man tɔɔ kooron lɛa, ǹ bie màn kɔsɔn lɛa wa. Bɛ̀ Dɛnaa Lawa nə́ n gɔn saa ǹ li lɔn, min mɛn bɛ́ dɔmalɛ we, bɛ n mɛnɛɛ. Min mɛn bɛ́ nɔ̀n diɛ ka dɔmalɛ nɛ, bɛ n yalɛɛ. Ǹ dinin tumaa n giɛ̃ kun.

Izayii 47:2

Gii saa, n *belee lɔ a wùsu baa. Mɔnaa bɔ n mìi lɛ, n mɔnaa lɛ goa, n gisin kaa kanaa, n tà kuru.

Izayii 47:3

Minin tá re n tontoro yii. Màn mɛn bɛ́ sìi diɛ n ganaa, ǹ tá re bɛ yii. Man die gɛ̀ dòo boe. Min kɔn dɔ a boe la a ma kurəə a ganaa wa.

Zeremii 13:22

Bɛa biikoo li, n tá re nɔ̀n diɛ n din la mà wàa na á baa kɛ á n yii. Sonbore, bɛ̀ ǹ nə́ n mɔnaa goa lon, bɛ̀ ǹ nə́ n kũ ka pàã nɛ, n din a sii baraa damata lɛ a lɛa nɛ.

Zeremii 13:26

Sɛnɛ, masɛ n die n mɔnaa goɛ ma kɔ n yɔrɔ lɛ, ma n tontoro da kanaa.

Zeremii 46:19

Ezipti minin, ka kaa dúgun yii. A giala Mɛmifisi kiwi n die nyɛ́ɛ da ǹ bǎã biɛ. A n die ziziɛ̃ lenlen, min kɔn ná a giɛ̃ a-n wa.

Zeremii 46:26

Min mɛnɛn bɛ́ giɛ ǹ gɛ̀ li, man die ǹ we bɛn gɔn: Baabiloniin kii Nebukadenezɔɔrɔ nɛ ka a sɔraasin ni. Sɛnɛ bɛ kio, minin tá re wusii ǹ giã Ezipti gána nɛ ka lɛlɛ ǹ bɛ́ lɔn.» Dɛnaa Lawa a da ǹ boo ne.

Ezekieli 30:18

Bɛ̀ má Ezipti minin pàã kɛ ziziɛ̃ ǹ mɛn pinaa, wɔlɔ a re fúli Tapanɛsi bɛa pinaa wa. Ǹ pàã mɛn lɛ á ke toɛ ǹ tá n dinin gole koe, ma á re bɛ lɛ nyɛɛ ma bɔ kiwi lɛ nɛ. Labara tì á re n kumii kiwi lɛ ganaa, bǎã lɛ a minin tá re woe bɛ̀rɛbaa ǹ bǎã nɛ.

Amɔɔsi 9:7

Dɛnaa Lawa n kɛ pii: Izirayeli minin lɛn, ka dɔn laanka Etiopii minin kɛn man goon masɛ gɔn. Má ka waa má ka bɔ Ezipti gána nɛ. Má Filisiti minin kɛn dɔn waa má ǹ bɔ Kafutɔɔrɔ kiwi, má Siirii minin kɛn waa má ǹ bɔ Kiiri kiwi.

Misee 1:11

Safiiri minin, ka wo ka ka tontoro ne, ka kaa sìi ni. Saanan minin dinin ba re soe doo wa. Bɛti-Esɛli minin dɔn bɛ́ ke wuu kɛ pii, n duduwii, kaa duru ǹ bǎã ba walan doo wa.

Nahumu 3:10

Sɛnɛ a dɔ a biikoo bɛ́ á dɔ, ǹ ná a minin goa, ǹ nə́ woo ǹ ne bɛ̀rɛbaa ǹ bǎã nɛ. Ǹ ná a nɛnyaanan yɔyɔrɛ ziin bɔ kɔn-a ǹ bǎã tumaa nɛ, ǹ nə́ n pã gána lɛ a nyɛɛnaandɛnan ganaa, ǹ nə́ fɔlɔbiɛn kaa ǹ min dadaran ganaa.

Sofonii 2:12

Kasɛn dɔn Etiopii minin lɛn man die ka bɔ̀n biɛ zia la!

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.