Izayii 2:8 - LAWA A BOO SONBORE

⁸ Gána lɛ piɛ̃maa-n ka dìn ni, minbuiin nɛ mànan mɛnɛn zɛnaa ka a gɔn nɛ, a mànan mɛnɛn zɛnaa ka a din gòonən ne. Min tumaa nə n musin koɛ tán bɛn yɔrɔ-a, ǹ nə́ ǹ guguru koe.

LAWA A BOO SONBORE 2011

⁸ Gána lɛ piɛ̃maa-n ka dìn ni, minbuiin nɛ mànan mɛnɛn zɛnaa ka a gɔn nɛ, a mànan mɛnɛn zɛnaa ka a din gòonən ne. Min tumaa nə n musin koɛ tán bɛn yɔrɔ-a, ǹ nə́ ǹ guguru koe.

Izayii 2:8 ပူးပေါင်းရင်းမြစ်များ

Kiin1 16:7

Dɛnaa Lawa a boo mɛn lɛ yɔrɔ bɛ́ dia-n Bayesaa laanka a kion minin la, Anaanii a nɛgiĩ Zewu, Lawa a boo gii-dali lɛ na á bɛ pɛ, Bayesaa a sii baraan taman yii, a wɔ Dɛnaa Lawa lon ka ǹ mɛnɛn lɛn nɛ. A sii baraa mɛn zɛnaa ka Zeroboamu goã á zɛnaa lɛlɛ lɔn, a bie á Dɛnaa Lawa foo busu ka bɛ dinsɔɔ̃-n wa, a Zeroboamu a kion minin dɛ kɛ dɔ sii tá a nɛ.

Kiin2 17:10

Izirayeli minin lɛn man nə́ tíĩn laanka bìbìn doa, dì Aseeraa kɛ wɔ lɛa, tenten gogoonmaa la, da mɛn tumaa bɛ́ a luu n tì, ka bɛn giulun ni.

Kiin2 17:16

Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

KZS2 27:2

Sii mɛn bɛ́ siĩn Dɛnaa Lawa yii li, Zoatamu na á bɛ lɛ zɛnaa ka te ka a díi Oziasi wɔ bɛ́ lɔn. Asɛ wɔ Dɛnaa Lawa a kion kɛ-n wa. Sɛnɛ, zaman lɛ goã lɛ pii ǹ màn sii.

Izayii 17:8

Ǹ dinin nə wúlu bɔ ǹ bǎãn mɛnɛn dɔ ka ǹ gɔn nɛ, ǹ ba re n yiin doɛ bɛn la doo wa. Ǹ wúlu bɔ ǹ bìbìn kɛn ka ǹ *wúlu màn gìĩ kɔɔ̃n tã ǹ bǎãn kɛn nɛ, ǹ dinin gɔn màn zɛnaa lɛa, ǹ ba re n yɔrɔ diɛ bɛn la doo wa.

Izayii 26:13

Dɛnaa Lawa, wɔa Lawa, mìinaa kɔsɔn nə́ goã wɔ mìi la. Sɛnɛ, wɔ nə n dinsɔɔ̃ guguru koe.

Izayii 37:19

Ǹ nə́ ǹ dìn zũ tɛ-n, a gialaa, ǹ bie Lawa lɛa wa. Màn nyínin manɛ, gɔn hinlaa kɔlɔ lɛa, minbuiin nɛ a màn zɛnaa lɛa, ǹ nə́ ǹ ziziɛ̃.

Izayii 40:19

Gɔn dí-nyali na á màn nyín lɛ zɛnaa, sana-yoli sana kaa la, á wɔrɔ giin kaa a ganaa.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 13:2

Kanna kəni, maǹ woe nyɛɛnɛ ka ǹ sii baraa zɛnaa nɛ. Ǹ nə́ ǹ wɔrɔ yo ǹ nə́ màn nyínin zɛnaa nɛ, manə ǹ dinin foo sii dì zɛnɛɛ, ǹ tumaa n gɔn dí-nyalin màn zɛnaan lɛa. Maǹ pii ǹ wɔ paǹ li: Wɔ doamaa nɛ wɔ wúlu mànan kɔ ǹ la! Minin man dii nɛn nyínin guguru koe!

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Misee 5:12

Kaa dìn laanka kaa tíĩn kɛn, ma á die bɛn wurii ma ǹ bɔ ka bii. Ka dinin nə mànan mɛnɛn zɛnaa ka ka gɔn nɛ, ka a die kiɛ tán bɛn giulun doo wa.

Nya ǹ dín 17:16

Pooli bɛ́ n yii diɛ Silaasi laanka Timote la Atɛni, a foo goã ziziɛ̃-n parsiini bɛa kiwi kɛ a lɛa, a giala á yɛ, mà kiwi lɛ piɛ̃maa-n ka dì ni.

Timəə dí-pɛn 4:28

Ka bɛ́ re lawan mɛnɛn guguru koe walan, minbuiin nɛ gɔn na á ǹ zɛnaa ka gɔn nɛ, ka kɔlɔ nɛ. Ǹ yii a wɔlɔ yii wa, ǹ ba boo miɛ wa, ǹ ba boe la ǹ màn bii wa, ǹ ba màn gìĩ miɛ̃ wa.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.